Yaponiya yağan güclü qara təslim olub. Davam edən güclü qar səbəbindən həyatını itirənlərin sayı getdikcə artır.

Reyting.az xəbər verir ki, Yanğın və Fəlakətlərin İdarə Edilməsi Agentliyinin (FDMA) açıqlamasına görə, 20 yanvardan bəri Yapon dənizi sahilindəki prefekturalara təsir edən qar yağışlarından ölənlərin sayı 30-a çatıb.

Ölümlərin əksəriyyətinin Niqata, Akita və Aomori prefekturalarında baş verdiyi, adətən damlardan düşən qar kütlələri və ya qar təmizləmə əməliyyatları zamanı baş verən qəzalar səbəbindən olduğu bildirilir.

Aomori prefekturasının bəzi kənd yerlərində qarın hündürlüyü 4,5 metri keçib.

Fəlakət bölgələrində vəziyyət ağırlaşdıqdan sonra Yaponiyanın baş naziri Sanae Takaiçi müvafiq nazirlərlə təcili iclas keçirib, daha çox insan itkisi və qəzaların qarşısını almaq üçün bütün resursların səfərbər olunmasına əmr edib.

V. QULİYEV