Rusiya Ukraynaya zərbələrini davam etdirir.

Reyting.az xəbər verir ki, bunu Ukrayna prezidenti Vladimir Zelenski “Telegram”da Rusiyanın gecə zərbəsini şərh edərkən yazıb.

Zelenski bildirib ki, Rusiya qışın ən soyuq günlərindən ukraynalıları qorxutmaq üçün istifadə edir:

“Enerji obyektlərinə qarşı daha bir hədəfli zərbə endirildi: ruslar digər raketlərlə birlikdə xeyli sayda ballistik raketdən - 70-dən çox və 450-dən çox hücum dronundan istifadə etdilər. Zərbələr Sumı, Xarkov, Kiyev və Kiyev bölgələrini, eləcə də Dnepr, Odessa və Vinnitsa bölgələrini hədəf alıb”.

Ukrayna prezidenti qeyd edib ki, hücumda doqquz nəfərin yaralanıb, yaşayış binalarına və enerji infrastrukturuna ziyan dəyib. Xüsusilə, Kiyevdə dron hücumlarından sonra çoxmərtəbəli binalar alovlanıb.

Uşaq bağçasına ziyan dəydiyini yazan Zelenski bildirib ki, Rusiya diplomatiyadan daha çox terroru seçib:

“Bu, tərəfdaşların nəyin lazım olduğunu və necə kömək edə biləcəklərini çox aydın göstərir”.

Zeleskinin sözlərinə görə, hava hücumundan müdafiə sistemləri üçün raketlərin vaxtında çatdırılması və normal həyatın qorunması əsas prioritetlərdəndir: “Rusiyaya təzyiq olmadan bu müharibə bitməyəcək. Moskva indi terroru və eskalasiyanı seçir və buna görə də maksimum təzyiq lazımdır. Bunu başa düşən və bizə kömək edən bütün tərəfdaşlarımıza təşəkkür edirik”.

E. KAMAL