Polis rəisinə qarşı əməliyyat: sarayındakı unitazlar və çıl-çıraqların qızıldan olduğu üzə çıxıb - Fotolar
Tarix: 21-07-2021 12:13 | Bölmə: Dünya
Polis rəisinə qarşı əməliyyat: sarayındakı unitazlar və çıl-çıraqların qızıldan olduğu üzə çıxıb

Rusiyanın bir korrupsiya ölkəsi olduğu, bu ölkənin nəinki öz qonşularına, hətta vətəndaşlarına işıqlı həyat bəxş etmədiyi və etməyəcəyini sübut edən növbəti fakt üzə çıxıb.

Reyting.az
xəbər verir ki, Rusiyada yol polisi rəisinə qarşı keçirilən əməliyyat sensasiyaya səbəb olub.

Əməliyyat Stavropol Yol Polisi İdarəsinin rəisi Aleksey Safanova qarşı keçirilib. Əməliyyat zamanı polis rəisinin “kiçik sarayında” lüks avtomobillər, qızıldan hazırlanan məişət əşyaları aşkarlanıb. Axtarış zamanı polis əməkdaşları heyrətə gəlib.

Əməliyyat korrupsiyaya qarşı mübarizə çərçivəsində həyata keçirilib. Rusiya Daxili İşlər Nazirliyinin Stavropol Yol Polisi İdarəsinin rəisi Aleksey Safanovla yanaşı onun tabeliyində çalışan 35-dən çox yol polisi əməkdaşı da həbs edilib.

Polis rəisinin evində aparılan axtarışlar isə inanılmaz faktları ortaya çıxarıb. Polis rəisi sahib olduğu lüks avtomobil kolleksiyası ilə yanaşı özünə ev deyil, saray inşa etdiyi, hətta evdəki unitazların qızıl örtükdən olduğu müəyyənləşib. Polis rəisinin evindəki çıl-çıraqların da qızıl üzlükdən olması diqqəti cəlb edib.

Eyni zamanda Safanovun rütbəsini və səlahiyyətlərini aşan hadisələrlə əlaqəsi olması, xüsusilə mafiya qrupları ilə əməkdaşlıq etməsi və gördüyü işlərin qarşılığında pul alması müəyyən edilib.

Əməliyyat zamanı saxlanılan polis rəisi və 35-dən çox işçisi haqqında cinayət işi açılıb, hazırda araşdırma aparılır.

Əslində bütün bunlar Rusiyada korrupsiyanın tüğyan etdiyini göstərən yüzlərlə faktdan biridir.





Bölməyə aid digər xəbərlər
bütün xəbərlər
{sape_links}{sape_article}