17:38 / 28-03-2024
Əməkdar artist vəfat edib
Azərbaycanda məşqçi və klub prezidenti saxlanılıb - Yenilənib
Tarix: 16-12-2019 23:58 | Bölmə: İdman
Azərbaycanda məşqçi və klub prezidenti saxlanılıb

"Keşlə"in fiziki hazırlıq üzrə məşqçisi Mehman Babayev hüquq-mühafizə orqanları tərəfindən saxlanılıb.

Reyting.az
xəbər verir ki, Tərlan Əhmədovun köməkçisi komandanın dünənki məşqindən dərhal sonra bölməyə aparılıb. Böyük ehtimalla, məşqçi danışılmış oyunlarla bağlı aparılan araşdırma çərçivəsində saxlanılıb.

Digər məlumata görə, "Binə" klubunun prezidenti Teymur Həsənli də saxlanılıb. Onun da adı oyunların nəticəsinin manipulyasında hallanır. Güman olunur ki, Həsənlinin məsələsi "Binə"nin birinci divizionda çıxış etdiyi 2017-2018 mövsümü ilə bağlıdı.

Məlumat üçün bildirək ki, həmin mövsümündə komanda aşağı dəstədə 7-ci yeri tutmuşdu. Komandaya o ərəfədə hazırda "Keşlə"də Tərlan Əhmədovun köməkçisi olan Mehman Babayev başçılıq edirdi.(Sportinfo.az)

***

“Keşlə” Futbol Klubu məsələyə münasibət bildirib.

Məlumatda qeyd olunur ki, “Keşlə” Futbol Klubunun əsas komandasının məşqçisi Mehman Babayev və komandanın inzibatçısı Asəf Səfərov danışılmış oyunlarla bağlı aparılan araşdırmalar çərçivəsində hüquq-mühafizə orqanlarına dəvət olunublar, onların izahatları alınıb.

Məlumata görə, adıçəkilən şəxslər 2017-ci ildə “Binə” Futbol Klubundakı fəaliyyətlərinə görə izahat veriblər.

“Keşlə” müvafiq araşdırmanın nəticələrindən sonra Mehman Babayev və Asəf Səfərovla bağlı yekun qərarını ictimaiyyətə açıqlayacaq.

Bildirilir ki, aparılan araşdırmaların “Keşlə” Futbol Klubuna heç bir aidiyyatı yoxdur:

“Klubumuz idman oyunlarının nəticələrinin manipulyasiyasında iştirak edən şəxslərin əməllərini pisləyir və layiqli şəkildə cəzalandırılmalarını, futbolunun inkişafı istiqamətində atılan addımları yüksək qiymətləndirir”.

Reyting.az




Bölməyə aid digər xəbərlər
{sape_links}{sape_article}