AVRO-2020: Bakıdakı ilk oyunu fransalı hakim idarə edəcək
Tarix: 10-06-2021 12:30 | Bölmə: İdman
AVRO-2020: Bakıdakı ilk oyunu fransalı hakim idarə edəcək

Futbol üzrə Avropa çempionatının Bakıda keçiriləcək Uels - İsveçrə oyunu üçün təyinatlar açıqlanıb.

Məlumata görə, qarşılaşma Fransadan olan hakimlər briqadasına tapşırılıb.

Referi Kleman Türpenə Nikolas Damos və Siril Qrinqor köməklik göstərəcək. 4-cü hakim funksiyasını serbiyalı Srdan Yovanoviç yerinə yetirəcək. VAR hakimi isə fransalı Fransua Leteksyerdir.

Qeyd edək ki, iyunun 13-də Bakı Olimpiya Stadionunda keçiriləcək Uels - İsveçrə matçı saat 17:00-da başlayacaq.

AVRO-2020 iyunun 11-dən iyulun 11-dək keçiriləcək. Bakıda həmçinin Türkiyə - Uels və Türkiyə - İsveçrə oyunları, eləcə də 1/4 final mərhələsinin 1 görüşü təşkil ediləcək.




Bölməyə aid digər xəbərlər
bütün xəbərlər
{sape_links}{sape_article}