“Kompas” səmtini azıb

Xəbər lenti

00:14 / 03-02-2026

Aviadaşıyıcı gəmilərə malik ölkələrin reytinqi açıqlanıb

23:39 / 02-02-2026

Tramp: "Hindistan Rusiya neftindən imtina etdi"

23:02 / 02-02-2026

İcra başçısını söyən şəxs həbs olunub

21:04 / 02-02-2026

"Velizarofficial" adlı səhifənin idarəçisi saxlanılıb

20:02 / 02-02-2026

İlham Əliyev Birləşmiş Ərəb Əmirliklərində - Yeni sənədlər imzalanıb - (Yenilənib) - Fotolar

19:41 / 02-02-2026

Xalq artistinin oğlu döyülüb

19:23 / 02-02-2026

Süleyman Mikayılov: “Nə harasa çağırılmışam, nə də ifadə vermişəm”

18:52 / 02-02-2026

Sabiq səfir: Türkiyədə görüş təşkil etməyə çalışırlar

18:00 / 02-02-2026

Qaz borusu partlayıb, yaralılar var - Yenilənib

17:55 / 02-02-2026

Generallar yeni vəzifədə polkovnik rütbəsində işləyəcək

17:16 / 02-02-2026

Cəlaloğlu: İranı silahlandırmağın mənası yoxdur

15:47 / 02-02-2026

Kreml Zelenskinin Moskvaya səfərində israrlıdır

15:17 / 02-02-2026

Oskar mükafatına namizədi həbs ediblər

15:04 / 02-02-2026

Kamran Əliyev üç prokuror təyin edib

14:20 / 02-02-2026

Apteklərdə nöqsanlar aşkar edilib

14:13 / 02-02-2026

Kreml Avropada xaos yaratmağı planlaşdırır

13:35 / 02-02-2026

Fevralın 17-də astronomik hadisə baş verəcək

13:12 / 02-02-2026

Dağlıq ərazilərə qar yağacaq - Proqnoz

13:06 / 02-02-2026

İTV-nin Yayım Şurasına yeni üzvlər seçilib

12:39 / 02-02-2026

Milli Məclisin iki komissiyası yenidən formalaşdırılıb - Siyahı

12:31 / 02-02-2026

Deputat: Azərbaycan seçkilərə qədər Ermənistanla sülh müqaviləsini imzalaya bilər

12:04 / 02-02-2026

Naxçıvan Konstitusiyasına çoxsaylı dəyişikliklər II səsvermədə təsdiqlənib

11:57 / 02-02-2026

İşsizlik dövlət üçün əlavə risklər yarada bilər

11:38 / 02-02-2026

Ay missiyasına hazırlıqlar başlayıb - Foto

11:26 / 02-02-2026

Musiqiçi oğluna 521 dildə mahnı yazıb

11:04 / 02-02-2026

Milli Məclisin iclası başlayıb

10:59 / 02-02-2026

ABŞ İranı armada ilə, Tehran Ağ evi regional müharibə ilə təhdid edir

10:58 / 02-02-2026

“QHT işi”: Mehriban Rəhimlinin məhkəməsi başlayır

10:34 / 02-02-2026

Prezident gəncləri təbrik edib - Müraciət

10:27 / 02-02-2026

Şanxay Əməkdaşlıq Təşkilatının öz valyutası olmayacaq

Xəbər lentinin davamı

Ən çox oxunanlar

20:01 / 30-01-2026

Prezident icra başçısını vəzifədən azad edib - Foto

17:31 / 29-01-2026

Vensin səfəri Güney Qafqaza nə vəd edir?

17:48 / 30-01-2026

Yerə bənzəyən planet kəşf olunub

18:15 / 30-01-2026

Vəzifəli şəxslər həbs edilib - (Yenilənib) - Foto

11:42 / 30-01-2026

Tramp üçün əlavə bəhanə: ABŞ prezidenti İraqı niyə hədəfə alıb?

15:04 / 02-02-2026

Kamran Əliyev üç prokuror təyin edib

23:45 / 29-01-2026

Ceyhun Bayramov: Azərbaycan ərazisindən İrana qarşı istifadəyə icazə verilməyəcək

13:35 / 02-02-2026

Fevralın 17-də astronomik hadisə baş verəcək

14:05 / 29-01-2026

Mollazadə: İran ətrafında vəziyyət ağır və təhlükəlidir

13:48 / 29-01-2026

Zəngilana növbəti köç karvanı gedib - (Yenilənib)

13:41 / 30-01-2026

Prezident yeni səfirlərin etimadnamələrini qəbul edib - (Yenilənib) - Fotolar

15:01 / 29-01-2026

Rusiya ordusu bir şəhəri ələ keçirib, iki şəhərə doğru irəliləyir

“Kompas” səmtini azıb
Tarix: 17-03-2024 12:16 | Bölmə: Siyasət

Şirift ölçüsü:

Rəsmi Tehranın nəzarətində olan “Səhər” telekanalı Azərbaycana və türklüyə qarşı qarayaxma ruporudur

“Səhər” TV kimi İran İnqilabı Keşikçiləri Korpusuna (SE3A+) yaxın media qurumlarında Azərbaycanın siyasi müstəqilliyini şübhə altına alan videomaterialların yayılması mütəmadi hala çevrilib. 1992-ci ildə yaradılan, ölkə hüdudlarından kənarda da yayımlanan 20 elektron mediadan biri olan “Səhər” telekanalı anti-Azərbaycan missiyasını tək icra eləmir. Şimali Azərbaycanda dövlətçiliyin bünövrəsini sarsıtmağı, özünün məzhəbçi təbliğatı ilə insanlarımızın dini hissləri üzərində məkrli siyasətini təlqin etməyi hədəfləyən iki radio kanalı da fəaliyyət göstərir. Onlardan biri Təbrizdə (AZƏRİ M), digəri isə Ərdəbildə (ARAN FM) yerləşir. Onların əsas məqsədi Azərbaycan dövlətçiliyinə, Azərbaycan türklərinə qarşı təbliğat aparmaqdır. Öz rəiyyətinin taleyini zülmətə çevirən bu ölkənin media qurumları doğma torpağının azadlığı, haqq-ədalət uğrunda mübarizədə zəfər qazanmış dünyəvi Azərbaycana insan hüquqlarından, dindən, milli kimlikdən ağıl öyrətməyə girişirlər. Tehran rejimindən maliyyə dəstəyi aldıqları şübhə doğurmayan bu ideoloji terror şəbəkəsinin bölücü, təxribatçı “ideoloji qvardiya”sının öndə gedən zərbəçi dəstələrdən biri də, cənublu soydaşlarımızın öz aralarında “Zəhər televiziyası” adlandırdığı “Səhər” telekanalıdır. Əsas qayəsi Azərbaycan dövlətçiliyini, xalqımızı, milli-mənəvi dəyərlərimizi ləkələməkdən ibarət olan bu telekanalın efirindən hər cür hədyanlar eşitmək mümkündür.

“Panazərizm” ixtirası

“Səhər” telekanalında yayımlanan “Kompas” proqramında mənbəyi və adları bəlli olmayan “tarixi sənədlərə istinadla” danışan aparıcı Fəridə Bəqai Qafqazın milli kimliyini təhrif etmək, yaxud dəyişdirilmək cəhdlərinin ən azı yüz illik tarixə malik olduğunu ərz edir. “Avropalı yəhudilərin Azərbaycanda “pantürkizm”i, Sovetlər Birliyinin isə “panazərizm”i qurduğunu” iddia edən “araşdırmaçı-telejurnalist” bunları iki fərqli baxış kimi təsnifatlandırır. O, SSRİ dağılandan, bölgədə Qərbyönlü və “anti-şiə” hökuməti olan Azərbaycan Respublikası adında yeni hüquqi-siyasi vahidin formalaşmasından sonra “panazərizm” məsələsinin məhz Qərb tərəfindən idarə olunduğu fərziyəsini irəli sürür. Guya, məhz sionist Qərbin siyasəti nəticəsində “pantürkizm” və “panazərizm” bir-birinə uyğunlaşdırılıb. Daha çox daxili auditoriyaya hesablanmış “pantürkizm” və “panazərizm” tezislərini gündəmə gətirən “Səhər” TV bəs nədən “panfarsizm”in üzərindən sükutla keçir" dünki rejimin özünə potensial təhlükə mənbəyi saydığı 40 miylonluq Azərbaycan türkünün beynini zəhərləməyə xidmət edən “pantürkizm” və “panazərizm” moizələri şimaldakılar üçün deyil, məhz cənubdakı bu kontingent üçün düşünülüb. Keçmiş Fars imperiyasının qaranlıq səhifələrindən boylanan “panfarsizm” isə bugünki teokratik hakimiyyətdən ötrü o qədər də cəldbedici elmi-fəlsəfi, siyasi təmayül deyil.

Dostumuzu da tanıdıq, düşmənimizi də

“Pantürkizm” düşüncəsinin ilk dəfə avropalı yəhudilər tərəfindən ortaya atıldığını iddia edən aparıcı efirdən ərz edir ki, son illər Azərbaycan sionistlərə həddindən artıq yaxınlaşaraq, etnosentrizm bayrağı altında Qafqazın şiə və İslam kimliyini dəyişdirmək, tarixi-mədəni mirasını təhrif etməkdən ötrü səyləri daha da artırıb. Fəridə Bəqai deyir ki, apardığımız təhlillər müasir Azərbaycanda ötən əsrlərdən gəlmə yəhudi-millətçi ideyaların icrasının həyata keçirildiyini göstərir. Bu xüsusda “Kompas”ın aparıcısı təkcə peşə etikasını deyil, həm də siyasi həddini aşaraq İlham Əliyevin andiçmə mərasimindəki çıxışında Türk Dövlətləri Təşkilatını Azərbaycan üçün prioritet saydığını və azərbaycanlıların Türk dünyası ailəsinə mənsub olduğunu bildirməsini də sionizmə qulluq kimi təqdim edir.

Bəli, Azərbaycan İsraillə diplomatik əlaqələr qurub və iki ölkə arasında münasibətlər yüksələn xətlə inkişaf edir. Bəlkə, rəsmi Bakı xarici siyasətini müəyyənləşdirərkən İranın Ali Dini Şurasından rüsxət istəməli idi? Qulaqlarınızı açıb yaxşı-yaxşı eşidin: Azərbaycan dövlətinin başçısı nəinki Tehranın özünə düşmən elan etdiyi İsraillə, hətta otuz il mübarizə apardığımız və sonda qalib gəldiyimiz işğalçı Ermənistanla da qarşılıqlı faydalı əməkdaşlığa hazır olduğunu bəyan edib. Çünki, Azərbaycan bu məsələlərdə İİR kimi, dini-ideoloji cəbhədən deyil, çağdaş dünyanın getdiyi sivil yoldan, tolerantlıq platformasından çıxış edir. Bizim onlardan əsas fərqimiz də bundadır. Yaxşı, “Kompas”ın aparıcısı efirdən üfürdüyü növbəti hədyanının qarşılığında ikinci sualımıza cavab versin: Türk Dövlətləri Təşkilatında təmsil olunan Azərbaycan böyük Türk ailəsinin, Turan Birliyinin üzvü olmayıb da, dünyada terroru dəstəkləyənlərin siyahısında adı keçən farsdillilər blokunamı qoşulsun?

Torpaqlarımızın işğal altında inlədiyi həmin otuz il ərzində dostumuzu da tanıdıq, düşmənimizi də. İşğal dövründə fars-erməni ortaq işbirliyini, İsfahan tüccarlarının Qarabağda talançılıq fəaliyyətini, Tehrandan İrəvana uzanan hər çeşiddə yardım karvanlarını görsək də, abrımıza sığınıb susduq, qonşuluq münasibətlərini qoruyub saxlamağa, nə qədər çətin olsa da, məkrə səmimiyyətlə cavab verməyə çalışdıq. Amma haylara “qardaş” deyən yaşıl əbalı “diplomatlar” bütün bunları görməzdən gələrək dindaşlarını heçə saydılar. Bu azmış kimi, tez–tez İİR-in hərbi-siyasi, eləcə də dini rəhbərliyinin dilindən ölkəmizin və xalqımızın ünvanına aşağılayıcı, təxribat xarakterli, hədə-qorxu ilə “süslənmiş” bəyanatlar eşitdik. Daha bəsdir!

Qorxunun yaratdığı suallar

Tehran rejiminin ruporu rolunu oynayan “Səhər” TV-də ən müxtəlif formalarda ölkəmizin suverenliyinə, ərazi bütövlüyünə və təhlükəsizliyinə qarşı ultimativ çıxışların, digər tərəfdən isə Ermənistanla “qardaşlığı”n təşviqinin şahidi olduq. Belə hədyanların yaxın qonşuluq münasibətlərinə xələl gətirməsi bir yana, beynəlxalq hüququn, diplomatik etiketin elementar tələblərinin belə gözlənilmədiyi şəksizdir. İran gah Ermənistanın ərazi bütövlüyünü, gah da Zəngəzur dəhlizinin açılmasının mümkünsüzlüyünü bəhanə edərək açıq-aydın anti-Azərbaycan fəaliyyəti göstərdi. Əgər bu məsələlər, doğrudan da, Tehranı bu qədər narahat edirdisə, onda nəyə görə Azərbaycan ərazilərinin 30 il işğal altında qalmasına dözdü?

“Səhər” TV-də Azərbaycanın qərb rayonları ilə Naxçıvan arasında dəhlizin Ermənistanla Qarabağ arasındakı “dəhlizlə” müqayisəsi isə yumşaq desək, uğursuz diplomatik gedişin, xəbis siyasətin təzahürü idi. Naxçıvan Azərbaycan ərazisidir və öz ərazisinə maneəsiz yolu təmin etmək onun təbii haqqıdır. Ermənistan isə Azərbaycanın daxilində olan erməni icması ilə “maneəsiz keçidə” cəhd edirdi. Cənubdakı şovinist məmurlar, yəqin ki, bu fərqi bilməmiş deyillər. Proqramda yenidən sionizm mövzusuna qayıdan aparıcı tamaşaçılara belə bir sual ünvanlayır: “Bəs, bu cür təfriqatçı ideyaları irəli sürənlərin əsas məqsədi nə idi?”. Ardınca ritorik sualını verir: “Niyə Avropada inteqrasiyadan, Yaxın Şərq və İslam dünyasında isə parçalanmadan söhbət gedir? Bu separatçı ideyaların gerçəkləşməsində azərbaycanlıların rolu nədən ibarətdir?”.

Belə məqamda deyirlər: “Adımı sənə qoyum, səni də yana-yana”. Bir də ki, qorxunun yaratdığı suallara cavab verməyə hacət yoxdur. Əslində, İranın dərdi nə sionizmdir, nə də İsrail. Onun bir dərdi var: bölgədə özünün geosiyasi maraqlarını təmin etmək. Yəhudizm, sionizm kimi havadan qapılan mövzular isə əsl niyyəti və məramı pərdələmək üsulundan başqa bir şey deyil.

Bütün cəhdləriniz boşa çıxacaq!

Azərbaycanımızın dini və etnik zənginliyini heç cür qəbul edə bilməyən “Səhər” TV kimi məzhəbçi – təxribatçı media ruporları unudurlar ki, şiəsi, əhli sünnəsi, türkü, talışı, ləzgisi, tatı, yəhudisi, molokanı ilə biz bütöv bir xalq –azərbaycanlıyıq! Azərbaycanda heç vaxt məzhəb ayrı-seçkiliyi aparılmayıb və əslində, bu, mümkün deyil. Ən azı ona görə ki, bu Vətənin torpağı onun uğrunda canını fəda edən müxtəlif dinlərə və milli azlıqlara mənsubların qanları ilə yoğrulub. Şərə xidmət edən “Kompas”ın məqsədi isə sonadək ifşa olunacaq. Bilirik ki, “Səhər” TV-nin missiyası daxildəki casus şəbəkəsi vasitəsilə, guya, Azərbaycanda məzhəb probleminin olduğunu göstərmək, necə deyərlər, qaşınmayan yerdən qan çıxartmaq istəyidir. Buna imkan verilməyəcəyik və bu yöndə bütün cəhdlər boşa çıxacaq. Necə ki, dövlətimizin xüsusi xidmət orqanlarının yüksək peşəkarlığı, ayıq-sayıqlığı sayəsində fars rejiminə casusluq edən bütöv bir şəbəkə ifşa olundu. İndi ETTALAT tərəfindən zərərli, mövhumatçı dini təbliğatla beyinləri yuyulmuş, pulla ələ alınmış gerizəkalı şəxslər, Azərbaycan əleyhinə casusluq edən xəfiyyələr bir-birinin ardınca ələ keçirlər.

2023-cü il sentyabrın 20-dən sonra Azərbaycanın bölgədə yaratdığı yeni geosiyasi reallığı hələ də həzm edə bilməyən İİR-in teokrat rejimi bundan o dərəcədə əndişələnib ki, az qala, bütün maraqlarının əlindən çıxdığını zənn edir. Tehran rejiminin yemlədiyi medianın, “Kompas” kimi səmtini azmış proqramların məkrli ideoloji siyasəti heç bir halda müsbət sonluğa çatmayacaq. Zamanın təkərini geri fırlatmaq istəyən rejimlərin, sistemlərin mövcud olduğu müddətdə bu mücadilə daim davam edəcək.

İmran BƏDİRXANLI
“Xalq qəzeti”, 17 mart.

Ana səhifəyə dön