Keçmiş səfirin Ramiz Mehdiyevə gizli məktubu yayılıb: sensasiyalı iddialar və...

Xəbər lenti

00:14 / 03-02-2026

Aviadaşıyıcı gəmilərə malik ölkələrin reytinqi açıqlanıb

23:39 / 02-02-2026

Tramp: "Hindistan Rusiya neftindən imtina etdi"

23:02 / 02-02-2026

İcra başçısını söyən şəxs həbs olunub

21:04 / 02-02-2026

"Velizarofficial" adlı səhifənin idarəçisi saxlanılıb

20:02 / 02-02-2026

İlham Əliyev Birləşmiş Ərəb Əmirliklərində - Yeni sənədlər imzalanıb - (Yenilənib) - Fotolar

19:41 / 02-02-2026

Xalq artistinin oğlu döyülüb

19:23 / 02-02-2026

Süleyman Mikayılov: “Nə harasa çağırılmışam, nə də ifadə vermişəm”

18:52 / 02-02-2026

Sabiq səfir: Türkiyədə görüş təşkil etməyə çalışırlar

18:00 / 02-02-2026

Qaz borusu partlayıb, yaralılar var - Yenilənib

17:55 / 02-02-2026

Generallar yeni vəzifədə polkovnik rütbəsində işləyəcək

17:16 / 02-02-2026

Cəlaloğlu: İranı silahlandırmağın mənası yoxdur

15:47 / 02-02-2026

Kreml Zelenskinin Moskvaya səfərində israrlıdır

15:17 / 02-02-2026

Oskar mükafatına namizədi həbs ediblər

15:04 / 02-02-2026

Kamran Əliyev üç prokuror təyin edib

14:20 / 02-02-2026

Apteklərdə nöqsanlar aşkar edilib

14:13 / 02-02-2026

Kreml Avropada xaos yaratmağı planlaşdırır

13:35 / 02-02-2026

Fevralın 17-də astronomik hadisə baş verəcək

13:12 / 02-02-2026

Dağlıq ərazilərə qar yağacaq - Proqnoz

13:06 / 02-02-2026

İTV-nin Yayım Şurasına yeni üzvlər seçilib

12:39 / 02-02-2026

Milli Məclisin iki komissiyası yenidən formalaşdırılıb - Siyahı

12:31 / 02-02-2026

Deputat: Azərbaycan seçkilərə qədər Ermənistanla sülh müqaviləsini imzalaya bilər

12:04 / 02-02-2026

Naxçıvan Konstitusiyasına çoxsaylı dəyişikliklər II səsvermədə təsdiqlənib

11:57 / 02-02-2026

İşsizlik dövlət üçün əlavə risklər yarada bilər

11:38 / 02-02-2026

Ay missiyasına hazırlıqlar başlayıb - Foto

11:26 / 02-02-2026

Musiqiçi oğluna 521 dildə mahnı yazıb

11:04 / 02-02-2026

Milli Məclisin iclası başlayıb

10:59 / 02-02-2026

ABŞ İranı armada ilə, Tehran Ağ evi regional müharibə ilə təhdid edir

10:58 / 02-02-2026

“QHT işi”: Mehriban Rəhimlinin məhkəməsi başlayır

10:34 / 02-02-2026

Prezident gəncləri təbrik edib - Müraciət

10:27 / 02-02-2026

Şanxay Əməkdaşlıq Təşkilatının öz valyutası olmayacaq

Xəbər lentinin davamı

Ən çox oxunanlar

20:01 / 30-01-2026

Prezident icra başçısını vəzifədən azad edib - Foto

17:31 / 29-01-2026

Vensin səfəri Güney Qafqaza nə vəd edir?

17:48 / 30-01-2026

Yerə bənzəyən planet kəşf olunub

18:15 / 30-01-2026

Vəzifəli şəxslər həbs edilib - (Yenilənib) - Foto

11:42 / 30-01-2026

Tramp üçün əlavə bəhanə: ABŞ prezidenti İraqı niyə hədəfə alıb?

15:04 / 02-02-2026

Kamran Əliyev üç prokuror təyin edib

23:45 / 29-01-2026

Ceyhun Bayramov: Azərbaycan ərazisindən İrana qarşı istifadəyə icazə verilməyəcək

13:35 / 02-02-2026

Fevralın 17-də astronomik hadisə baş verəcək

14:05 / 29-01-2026

Mollazadə: İran ətrafında vəziyyət ağır və təhlükəlidir

13:48 / 29-01-2026

Zəngilana növbəti köç karvanı gedib - (Yenilənib)

13:41 / 30-01-2026

Prezident yeni səfirlərin etimadnamələrini qəbul edib - (Yenilənib) - Fotolar

15:01 / 29-01-2026

Rusiya ordusu bir şəhəri ələ keçirib, iki şəhərə doğru irəliləyir

Keçmiş səfirin Ramiz Mehdiyevə gizli məktubu yayılıb: sensasiyalı iddialar və... - Tam mətn
Tarix: 06-05-2024 17:11 | Bölmə: Siyasət

Şirift ölçüsü:

Milli Məclisin keçmiş üzvü, eks-səfir Elmira Axundovanın Ramiz Mehdiyevə ünvanladığı, “hörmətli Ramiz müəllim, yalnız sizin oxumağınız üçündür”,- girişli, “siz mənim dostum və ağsaqqalımsız”,- sözləri ilə zəngin, hər sətri 1937-ci ilin danosunu xatırladan məktubu ortaya çıxıb.

Gizli məktub Prezident Administrasiyasında 15244 nömrə ilə qeydiyyatdan keçib, Ramiz Mehdiyevə təqdim olunub.

Elmira Axundovanın rus dilində yazdığı gizli məktubun tərcüməsini təqdim edirik:

Hörmətli Ramiz müəllim!

Bu məktub sırf şəxsidir, yalnız sizin oxumağınız üçündür. Yenə məcbur olub sizə müraciət edirəm ki, mənə ailəmin cismindəki bu bədxassəli şişin – Fərman Məmmədovun öhdəsindən gəlməkdə köməklik göstərəsiniz. 3 ildən artıqdır ki, mənim qanımı içir, (o cümlədən sizə) saysız-hesabsız yalan və böhtan dolu məktublar göndərir.

O, uzun müddət ailəmizə yaxın olub, mənim etibarımı qazanıb, indi də öz xeyrinə redaktələr edib, hoqqabazlıq edərək, mətbuatda, müxalifət saytlarında şəxsi videolarımızı, fotolarımızı dərc edir.

Elnur İbrahimovun (pul mənimsəyən piramidanın yaradıcısı) işi üzrə istintaq başa çatıb, sübut olunub ki, bizim bu Fərmana heç bir borcumuz yoxdur, əksinə, hələ də bizə 100 mindən çox borcu var. Onun bütün yalanları üzə çıxdı, həm məhkəmədə, həm də istintaqda ziddiyyətli ifadələr verdi, bütün əlaltıları ondan uzaqlaşdılar. Və beləliklə o, tam dəli, sadəcə olaraq onun təxribatlarına boyun əymədiyimiz üçün bizdən qisas almaq üçün (1 il əvvəl ölən qızın qohumlarından alıb) oğlumun bəzi videolarını Meydan TV-də yayımlamağa başlayır. Oğlum o videolarda istirahət edir, bu qızla zarafatlaşır, “banan”da üzür (su əylənsi üçün banan şəkilli predmet), hovuzda və s. Orada xüsusi bir şey yoxdur, xüsusən kriminal bir şey, oğlum narkoman deyil, o siqaret belə çəkmir, xaricdə hesabı və villası yoxdur. Gecə-gündüz işləyir, 3 uşağı dolandırmaq üçün çalışır, mənə də kömək edir.

Ramiz müəllim, onun bu anti-PR-a nə qədər pul xərclədiyini bilsəydiniz!

... Amma bu avara Fərmanın Prezidentə bir qəpiklik xeyri dəymir və əfqanların pulundan, malından varlanıb (bizdə bütün dəlillər var), bizə də gecə-gündüz böhtan atır.

Onu bizim oliqarxlar maliyyələşdirir! İdman naziri Azad Rəhimov və onun dostu Elçin Hüseynov Fərmana məxsus binalarda almazlarını və zəngin ev dizaynı əşyalarını satırlar.

Bir dəfə Fərman özü mənə dedi ki, onlardan ayda 12-15 min dollar alır. Və bu pulla bütün həyatını Azərbaycanın imicinin möhkəmlənməsinə həsr etmiş olan mənə qarşı işləyir. Yəni Fərman faktiki olaraq müxalifətə işləyir. Ramiz müəllim, onun bu anti-PR-a nə qədər pul xərclədiyini bilsəydiniz!

Bir neçə dəfə Azad Rəhimovdan komsomol illərindən dostu olan Fərman Məmmədovu sakitləşdirməsini və Fərmanın gəlir mənbələrini itirməsi üçün bu lənətlənmiş ofisindən getməsini xahiş etdim. Azad Rəhimov dedi ki, biz oranı çox bahalı təmir etmişik, oradan niyə getməliyik? Bu o deməkdir ki, onlar üçün pul və qazanc bir qadının, prezidentin komandasına daxil olan dövlət xadiminin nüfuzundan daha vacibdir.

Buradan biz çox uzaqgedən nəticələr çıxara bilərik. İndi də bu pullar Meydan TV-yə işləyir və məndə məlumat var ki, Fərman və onun dəstəsi də dövlətimizin əleyhinə işləyir, müxalifətə sponsorluq edir. "KQB" bu əlaqələri aşkar edə bilərdi. Fərman “Gündəlik Bakı”nın baş redaktoru Habil Vəliyevlə əlaqə saxlayır və bu reket qəzetdə bizim əleyhimizə yazılar dərc etdirirdi. İndi Fərman və onun əlaltıları “Azadlıq”la, Emin Milli ilə Mirşahində işləyən Afət Telman qızı vasitəsilə ona materiallar göndərirlər. O, sosial şəbəkələrdə günlərlə haqqımızda nifrət dolu yazılar yayan Fərmanın “əlaltısı”nın – Şahin Məhərrəmlinin əmisi qızıdır. İndi də Mirşahinin rəhbərlik etdiyi Real TV Meydan TV ilə birgə xora qoşulub.

Mirşahinin də Emin Milli ilə əlaqə saxladığı və Azərbaycandan ona material ötürdüyü ortaya çıxsa, təəccüblənmərəm. Təsəvvür edin, mən deputat, xalq yazıçısı ona bütün günü-axşam zəng vururam, o da mənə yazır ki, məşğuldur, yoldadır və s…

Heç geri zəng etmədi. Və onun müxbiri Ləman Ələşrəfqızı (açıq-aşkar müxalifətçi) bu videonun efirdən çıxarılmasını tələb edəndə mənə mühazirə oxudu, dedi ki, sən mənə göstəriş verirsən? Onların hamısı belə dəli olub! Siz də ona yenidən efir verdiniz.

Tamamilə boş şeydir, o, problem yaradan və etibarsız biridir. Belə insanlar üçün müqəddəs heç nə yoxdur. Real TV-nin əməlləri ilə bağlı Nuşirəvan Məhərrəmliyə şikayətin surətini əlavə edirəm. Hüquq-mühafizə orqanlarına ciddi göstəriş versəniz, ləyaqətli insanları ləkələməklə məşğul olan, dövlət çevrilişinin olmasını gözləyən bütün bu şəbəkəni ifşa edəcəklər.

Ramiz müəllim, bu Fərman Məmmədov belə qüdrətlidir?

Doğrudanmı bütün ölkədə bu dəlinin qarşısını alacaq və mənim adımı qoruya biləcək bir adam yoxdur? İki ay əvvəl prezident mənə ən yüksək yazıçı adını verməklə mənə böyük etimad göstərdi. İndi isə mənə qarşı səlib yürüşü birbaşa və ya dolayısı ilə cənab prezidentə qarşı yönəlib. Mən belə başa düşürəm. Oğlumla mənim əlimizdə Fərman Məmmədovun 90-cı illərdəki və bugünkü çirkin maxinasiyaları ilə bağlı onlarla fakt var. "Əfqanlar" (Əfqanıstanda döyüşmüş veteran azərbaycanlılar - Red.) bir vaxtlar ondan fırıldaqlarına görə qisas almağa and içmişdilər. İndi də özünü kasıb və bədbəxt kimi göstərir. Bu zavallı keçmiş əfqan veteranının Həbibə verdiyini iddia etdiyi 600 min manatı haradan aldığını soruşmaq maraqlı olardı. Hardan alıb Həbibə verdi? Bütün bu faktları və məlumatları müvafiq orqanlar sözlə deyil, ciddi şəkildə dövlət əleyhinə çalışan, oliqarx süfrəsindən qidalanan bu qara şəxsiyyəti araşdırmağı öz üzərinə götürsələr, təqdim edə bilərik. Keçmiş əfqanlar Fərmanın Beynəlmiləl Döyüşçülər Cəmiyyətinin İdarə Heyətinin razılığı olmadan qanunsuz olaraq özəlləşdirdiyini sübut edən sənədlərlə Ədliyyə Nazirliyində olublar. Amma onlara ciddi qulaq asmadılar. Və hər yerdə belədir - onlar bizə rəğbət bəsləyirlər, amma bizə ona baş qoşmamağı məsləhət görürlər.

Bu Fərman Məmmədov belə qüdrətlidir? Bir sözlə, hamı mənə rəğbət bəsləyir, bəzi deputatlar, onlar da oliqarxdır, hər şeyin pulunu ödəməyə öyrəşiblər, mənim də bu məsələ ilə bağlı çox ciddi sübutlarım var ki, onlar ana müxalifət qəzetlərinə ayda 10 min dollar verirlər ki, onlar haqqında yazmasınlar, onlar mənə Fərmana pulu verməyi məsləhət görürlər, bir başqaları isə susur, cavab vermir və s.

İndi nə baş verir? Hamı sevinir və sakitcə əllərini ovuşdurur. Mən “Xalq yazıçısı” adına layiq görüləndən sonra hamı xüsusilə qəzəbləndi: "Aaa, yenə Elmira Axundovanın oğlu ilə bağlı video qoyublar, aaa, gör necədirlər?" Necəyik?

Hər kəsin rəsmi olaraq ikinci, üçüncü olmasa da, arvadı və onlardan qeyri-qanuni uşaqları var. İstəyirsənsə, adlarını da çəkim?

Oğlum bu günə kimi qanunsuz bir iş görməyib, yol polisində bir dəfə də olsun töhməti yoxdur, heç kimi öldürməyib, soyğunçuluq etməyib. İcarə müqaviləsində icarə məbləğini aşağı göstərən Fərmandan fərqli olaraq, oğlum kiçik biznesindən müntəzəm olaraq kifayət qədər böyük vergilər ödəyir və həqiqətən də ölkə iqtisadiyyatına kömək edir. Yaxşı, qanuni arvadından başqa bir qızla maraqlandı (Azərbaycan kişiləri arasında o qadınları kim sevmir), demək olar ki, hər kəsin rəsmi olaraq ikinci, üçüncü olmasa da, arvadı və onlardan qeyri-qanuni uşaqları var. İstəyirsinizsə, adlarını da çəkim?

Yaxşı, o, ekstremal idman növlərini - paraşüt, snoubord və s. sevir. Azərbaycanın bütün yol polisləri, bütün polisləri oğlum Həbibə pərəstiş edir. O, bizneslə məşğul ola bilir və biznesi necə təşkil etmək barədə maraqlı fikirləri var. Gecə-gündüz işləyir, prezidentini ürəkdən sevir və sosial şəbəkələrdə onun imici xeyrinə çox iş görür. Amma onun günahı deyil ki, bu canavar, bu ruhi xəstə Fərman adlı biri onun yolunda dayandı. Həm də təbii ki, müxalifət prezident seçkiləri kampaniyası zamanı səssiz qalmayan, bütün bu sosial şəbəkələri və sairəni pis, insanlıqdan kənar adlandıran anasına görə ondan qisas alır.

İndi də ölkəsini və prezidentini sonsuz (və ən əsası, səmimi) sevən bu yaradıcı, uğurlu insan məndən soruşur: “Ana, nə baş verir? Öz anasını bir manata satmağa hazır olan pullu cızma-qara yazanların bizə nə etdiyi niyə heç kimin vecinə deyil? Nə vaxta qədər mənim çirkli paltarlarımın içində eşələnib eyni şeyi yaza bilərlər?”

Və o, hüquqlarını qoruya bilmədiyi ölkədən getmək istəyir. O, həyatını vətənsiz təsəvvür edə bilməsə də, ölkəni tərk etmək istəyir. Mən isə ondan sonra gedəcəm, çünki Bakıda başqa qohumum qalmayıb. Çünki o mənim yeganə dayağım və ümidimdir, çünki son saatımda məni çiyinlərində daşıyacaq...

Həqiqətən ümid edirəm ki, siz mənim Azərbaycan dövlətçiliyinin təbliğinə verdiyim töhfələri başqalarından daha yaxşı başa düşən dostum və ağsaqqalım kimi mənim adımı qorumağa və mənə qarşı kampaniyaya yol verənlərin cəzalandırılmasına köməklik göstərəcəksiniz.

Axı bunun üçün müxtəlif yollar var: müvafiq idarələrə göstəriş verə bilərsiniz ki, hökumət mətbuatında “Fərman Məmmədov kimdir?” kod adı ilə yazılar təşkil etsinlər.

Məsələn, “Azərbaycan”, “Xalq” qəzetləri araşdırma apara bilər. Onun haqqında o qədər mənfi faktlar var ki! Belə ki, Ədliyyə Nazirliyi nəhayət, "əfqanların" açıqlamalarına ciddi reaksiya versin və onların ümumi yığıncağı keçirilən zaman Fərman Məmmədovun onlardan sənədləri necə alması ilə bağlı araşdırma aparsın. Əmlak Komitəsindən yoxlanılsın ki, belə böyük dövlət obyektini o, necə özəlləşdirib və s...

Tədbir görməsəz, mətbuat konfransı keçirib kartları açacağam!

Əgər Fərman Xeyrulla oğlu Məmmədov barəsində tədbir görülməsə, sentyabrın əvvəlində oğlumla birgə mətbuat konfransı keçirəcəyik, sonra bütün kartlarımı ortaya qoyacağam, ona sponsorluq edən oliqarxların adlarını açıqlayacağam, prinsipcə onların bizneslə məşğul olmaq hüququ yoxdur və s. və i. Bizim itirəcəyimiz heç nə yoxdur, amma onların itirəcəkləri var.

Ümid edirəm ki, siz məni başa düşəcək və ədaləti tapmağa kömək edəcəksiniz. Çünki bir daha deyirəm, bu kampaniya təkcə mənə qarşı deyil, hökumətimizin və prezidentimizin ən uğurlu və istedadlı PR mütəxəssislərindən birinə qarşıdır. Düşmənlər cəzalandırılmalıdır ki, başqalarına da görk olsun(Musavat.com)

***

Sabiq səfir Elmira Axundova Ramiz Mehdiyevə 2018-ci ilin 30 iyun tarixində oğlu Həbib Axundovun adının hallandığı 8 milyonluq dələduzluq işi ilə əlaqədar olduğu iddia edilən “hörmətli Ramiz müəllim, yalnız sizin oxumağınız üçündür” girişli məktub barədə yayılan xəbərlərə aydınlıq gətirib.

E.Axundova Pravda.az-a açıqlamasında məktubda yazılanlar barədə bunları deyib: "Bəsdirin də, qurtarın bu işləri. Əşi, nə məktub yazmışam? Mən artıq pensiyaya çıxmışam. Qoyun, oturaq işləyək. Hansı məktubu yazmışam? Hə? Biz min dənə məktub yazırıq. Dəhşət. Off, mənim heç o məktub yadımda deyil. Yazırlar, yazsınlar. Heç nə deməyəcəyəm, nə deyə bilərəm? Onlar hər şey edə bilərlər. Bəlkə, özləri yazıb "qol" çəkiblər?"

Reyting.az

Ana səhifəyə dön