Putinin hərəkəti Trampı məyus edib
Tarix: 02-04-2025 09:52 | Bölmə: Siyasət
Putinin hərəkəti Trampı məyus edib

ABŞ prezidenti Donald Tramp Rusiya lideri Vladimir Putinin atəşkəslə bağlı danışıqları "bilərəkdən uzatdığını" deyib. Bu mövzuda çox sərt çıxış edən Tramp xatırladıb ki, ABŞ bununla bağlı "sanksiyaların aqressiv istifadəsini" Rusiyanın nəzərinə çatdırır.

Reyting.az
-ın "Fox News" telekanalına istinadla verdiyi məlumata görə, ABŞ prezidenti Tramp hesab edir ki, Rusiya hakimiyyəti Ukraynada atəşkəslə bağlı danışıqları planlı şəkildə ləngidir.

Tramp qeyd edib ki, Rusiya atəşkəs danışıqlarını ləngitməklə heç bir uğura nail ola bilməyəcək.

Məlumata görə, D. Tramp Rusiya tərəfinin prosesi ləngitməsindən məyusdur və o, V. Putinin belə hərəkətindən çox qəzəblidir.

Qeyd olunur ki, Ağ ev artıq bütün məhdudiyyətləri aşmaqla, maneəsiz, həmçinin qanunsuz neft nəql edən Rusiyanın "kölgə donanmasına" çox ağır zərbə vuracaq "sanksiyalardan aqressiv şəkildə istifadə etməyi" nəzərdə tutan variant üzərində işləyə bilər.

Oqtay QORÇU




Bölməyə aid digər xəbərlər