"PKK bu gün də Mardində partlayış törətdi. Aqoniya içindədirlər. Əvvəl hərbçiləri və polisləri qətlə yetirirdilər, indi mülki vətəndaşları – yaşlıları, qadınları və uşaqları hədəf alıblar".

Reyting.az-ın məlumatına görə, bu sözləri "Atlas" Araşdırmalar Mərkəzinin rəhbəri Elxan Şahinoğlu deyib.

E.Şahinoğlu bildirib ki, PKK hətta onlarla razılaşmayan kürdləri də öldürür, gecəyikən onları evlərindən oğurlayırlar: "Qətliamlar həyata keçirən PKK Avropa ölkələrində, o cümlədən Almaniyada da dərin kök salıb. Əlbəttə, Avropa ölkələri PKK-ya birbaşa silah və sursat vermir. Ancaq elə PKK-nın Almaniyada topladığı xərac həmin silahların alınmasına və həmin silahlar vasitəsilə mülki insanların qətliamına yönəlib”.

E.Şahinoğlu qeyd edib ki,Türkiyə ordusu və polisi şərq bölgəsinin müxtəlif qəsəbələrində PKK-ya ağır zərbələr endirdikcə, terrorçular açıq savaşdan qorxaraq "vur və qaç” taksikasına keçiblər.