Müasir Müsavat Partiyasının sədri Hafiz Hacıyev millət vəkili Tahir Kərimlinin "gələcəyə biqeyrət nəsil yetişir” fikrinə sərt münasibət bildirib.

Reyting.az xəbər verir ki, azxeber.com-a danışan partiya sədri H.Hacıyev T.Kərimlinin Azərbaycan gəncliyini təhqir etdiyini, onun gənclər tərəfindən "fitə” basılmalı olduğunu deyib:

"Tahir Kərimli başıxarabın, avaranın, satqının biridir. O, Ali Məhkəmənin sədri olduğu müddətdə axşama qədər kabinetdə qolunu qırxırdı, kabinetində şalvarsız otururdu. Bunu keçmiş müavini Rza Rzayevdən də soruşa bilərsiz. Tahir Kərimlinin o təhqirinə Azərbaycan gəncliyi təpki göstərməlidir və dediyim faktlara əsasən, onun şəkillərini çəkib internetdə yayımlasınlar. Belə insanların cəmiyyətin qınağına tuş gəlməsi üçün xalqı üzərinə qaldırmaq lazımdır. Biqeyrət dediyi gənclik gərək onun lüt fotolarını internetdə yaysın”.

H.Hacıyev deyib ki, insanlar T.Kərimlinin üzünə tüpürməlidir: "Əziz gənclər. onu küçədə görəndə üzünə tüpürün. Gəncləri və milləti dəvət edirəm ki, yeri gələndə onu fitə basın. Satqının, avaranın gənclər haqqında belə fikir söyləməsi təhqiramizdir. Belələridir ki, yığılıblar Milli Məclisə, nə Azərbaycanın, nə də millətin qədrini bilirlər. Vaxtı ilə Elçibəyə xəyanət edən insandan nə gözləmək olar? Belə insanlara əhəmiyyət vermək lazım deyil. Gənclərdən, onu görəndə fitə basmalarını xahiş edirəm. O adam başını itirib, xəstədir, onu danışdırmaq lazım deyil".

H.Hacıyev deputatın "Dənizə getmirəm ki, qadınları lüt görməyim”,- fikrinə də özünəməxsus tərzdə cavab verib:

"Bu cəmiyyət demokratik cəmiyyətdir. İnsanlar dəniz qırağında çimə və istirahət edə bilərlər. Burda bir qəbahət yoxdur. Bəlkə insanların istirahət hüququnu əllərindən almaq istəyirlər?”.

Partiya sədri özünün vaxt məhdudiyyətinə görə dənizə gedə bilmədiyini də deyib:

"Hələlik vaxtım yoxdur. İşlərimiz çoxdur. Vaxtımın çox hissəsi işlərimlə bağlı xaricdə keçir. Vaxt tapan kimi gedəcəm”.