"Azərbaycanda həyata keçirilən anti-böhran tədbirləri böhranın miqyasına, onun nəticəsinə adekvat deyil”.

Bu sözləri moderator.az saytına açıqlamasında KXCP sədri Mirmahmud Mirəlioğlu deyib. Partiya sədri bildirib ki, mövcud daha ciddi, daha effektli və köklü addımların atılmasını tələb edir:

"Anti-böhran tədbirləri çərçivəsində bəzi kateqoriyadan olan vətəndaşların maaş və təqaüdlərində artımlar edildi ki, bu artımlar böhranın doğurduğu nəticələri aradan qaldırmaq, qismən də olsa insanların sosial rifahını yüksəltmək iqtidarında deyil. Çünki bu artımların miqdarı cüzidir. Bu isə onu göstərir ki, bu tədbirlər bir çox hallarda formal xarakter daşıyır və görüntüyə hesablanır. Bu cür tədbirlərlə böhrnla mübarizə aparmaq, vəziyyətdən çıxmaq imkansızdır.

Hökumət böhranın nəticələrini aradan qaldırmaq üçün daha təsirli addımlar atmalı, bu addımlar mahiyyət etibari ilə insanların sosial rifahının yüksəldilməsinə xidmət etməlidir”.