Əlövsət Əliyevin miqrantlara verdiyi saxta sənədlər üzə çıxdı - Fotolar
Tarix: 14-11-2019 14:54 | Bölmə: Siyasət
Əlövsət Əliyevin miqrantlara verdiyi saxta sənədlər üzə çıxdı

Ötən gün Almaniya polisi miqrant alveri ilə məşğul olanlara qarşı əməliyyat keçirib.

Keçirilən əməliyyat ölkənin Köln, Frankfurt, Koblenç və Düsserdorf şəhərlərini əhatə edib. Yayılan məlumata görə, saxlanılanlar arasında Müsavat Partiyasının Avropa qolu olan Müsavat Avropa Koordinasiya Mərkəzinin (Müsavat AKM) sədri İlham Həsən, Müsavat partiyasının üzvü, Müsavat AKM sədr müavini Mehdi Xəlilbəyli, Müsavat AKM-in üzvü, Mehdi Xəlilbəylinin qohumu Abdin Cavadov və Mehdi Xəlilbəylinin sürücüsü Rəşad Məmmədov da var.

Reyting.az “Yeni Sabah”a istinadla xəbər verir ki, bununla yanaşı mühacir alverinə görə Almaniya polisi tərəfindən saxlanılan “Legat” Mərkəzinin rəhbəri Əlövsət Əliyevin hazırladığı saxta sənədlərin fotoları yayılıb.

Yayılan sənəd Azərbaycan Miqrasiya Mərkəzi İctimai Birliyi tərəfindən verilib. Onu birliyin direktoru Parviz Əliyev imzalayıb. Bildirək ki, Azərbaycanda olduğu zaman bu mərkəzə Əlövsət Əliyev rəhbərlik edib.

Əlövsət Əliyevin miqrantlara verdiyi saxta sənədlər üzə çıxdı

2016-cı ildə hazırlanan “sənəddə” iddia olunur ki, arayışın verildiyi şəxs polis tərəfindən təqib olunur və buna görə də o verdiyi məlumatların gizli saxlanılmasını xahiş edib. Onun “Bakı Metropoliteni”ndə korrupsiya faktları ilə bağlı təzyiqlərə qaldığı da bu “sənəddə” öz əksini tapıb.

“Arayış” həm Azərbaycan, həm də alman dilində hazırlanıb.

Alman polisinin başladığı araşdırmalardan sonra bu kimi saxta arayışlar nəticəsində xeyli “mühacir”in üzə çıxacağı gözlənilir. Hətta onların mühacir statusunun ləğv olunması, Azərbaycana deportasiya ediləcəyini də ehtimal etmək olar.

Məlumata görə, Azərbaycanda Ə. Əliyevlə bağlı hələ ki, heç bir cinayət işi yoxdur.

Qeyd edək ki, dünən alman polisi Azәrbaycandan Almaniyaya miqrant daşıyan dəstə aşkarlayıb. Frankfurt Mein, Köln, Koblenç və Düsserdorf şəhərlərində reyd keçirilib, 13 ev vә obyektә basqın edilərək, bir neçә nәfәr hәbs olunub. Hәmin dəstə üzvlәri qaçaq yolla Azәrbaycandan xeyli sayda insanı Almaniyaya aparırmışlar.

Əlövsət Əliyevin miqrantlara verdiyi saxta sənədlər üzə çıxdı

Onlar ən azı 20 nəfəri Azərbaycandan Almaniyaya 3.000 - 10.000 avro qarşılığında aparmaqda ittiham olunurlar.

Həbs olunanların bu saata olan siyahısı aşağıdakı kimidir:

1. Elçin Əkbərov - Ədliyyə Nazirliyi Penitensiar Xidmətinin 9 və 14 saylı məntəqə tipli cəzaçəkmə müəssisələrində rəis işləyib.

2. İlham Həsən - Müsavat Avropa Koordinasiya Mərkəzi (Müsavat AKM) sədri

3. Mehdi Xəlilbəyli - Avropada yaşayan siyasi mühacir, Müsavat partiyasının üzvü, Müsavat AKM sədr müavini

4. Abdin Cavadov - Müsavat AKM-in üzvü, Mehdi Xəlilbəylinin qohumu

5. Əlövsət Əliyev - “Legat” İnteqrasiya Mərkəzinin sədri

6. Rəşad Məmmədov - Almaniyanın Koblenz şəhərinə yaxın olan Neuwied adlı şəhərdə yaşayan siyasi mühacir, Mehdinin sürücüsü

7. Elşən Abdullayev - Almaniyada yaşayır.

Əlövsət Əliyevin miqrantlara verdiyi saxta sənədlər üzə çıxdı




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}