17:19 / 25-01-2020
Nərmini kim öldürüb? - Foto
Politoloq: “General Haftarı çox şişirdirlər, amma…”
Tarix: 14-01-2020 17:44 | Bölmə: Siyasət
Politoloq: “General Haftarı çox şişirdirlər, amma…”

“Liviyada baş verən vətəndaş müharibəsi, silahlı qarşıdurmalar tədricən aradan qalxacaq. Artıq Türkiyə ilə Liviya arasında razılaşma əldə edilib. Hesab edirəm ki, bu, müsbət hadisədir”.

Bu sözləri Reyting.az-a Moskvada Rusiya və Türkiyənin vasitəçiliyi ilə Liviyada sülhün əldə edilməsinə dair danışıqlar prosesini şərh edən politoloq Rüstəm Məmmədov deyib.

Qeyd edək ki, Moskvada Liviya milli barış hökumətinin başçısı Sərrac ilə general Xəlifə Haftar bir araya gəlib. Lakin general Haftar sülh sazişini imzalamaqdan imtina edib. Tələb edib ki, Türkiyə Liviyadakı hərbi təlimatçılarını ölkədən çıxarsın. Habelə Ankaranın Liviya milli barış hökuməti ilə imzaladığı sazişləri qanunsuz adlandırıb.

Rüstəm Məmmədov isə hesab edir ki, general Haftarın Moskvanı tərk etməsi yaranan duruma adkvat deyil: “Mənim fikrimcə, heç nə Haftardan asılı deyil. Orada Türkiyə və Rusiya arasında razılaşma var. Haftar olmasa belə, onun yerinə iştirak edən tapılacaq. Liviyada proseslərə Qərb fəal müdaxilə etmir. Əsasən Türkiyə hər şeyi öz əlində cəmləşdirir. Rusiya da orada fəaliyyət göstərir. Hesab edirəm ki, Türkiyə Liviyadakı prosesləri öz xeyrinə çevirə biləcək. Rusiya oradadırsa, ona da pay çatacaq. Yəni Liviyada amansız müharibə olmayacaq”.

Politoloq sonda qeyd edib ki, general Haftarı çox şişirdirlər: “Amma unutmayın ki, Haftar Qəddafidən güclü fiqur deyil”.

Reyting.az

скачать dle 10.5фильмы бесплатно




Bölməyə aid digər xəbərlər
{sape_links}{sape_article}