18:04 / 18-02-2020
Azərbaycanda zəlzələ oldu
Seçiciləri Əli Məsimlinin yenidən deputat seçilməsinə “hə” dedilər - Fotolar
Tarix: 28-01-2020 18:35 | Bölmə: Siyasət
Seçiciləri Əli Məsimlinin yenidən deputat seçilməsinə “hə” dedilər

Yanvarın 28-də 114 saylı Şəki kənd birinci Seçki Dairəsindən deputatlığa namizəd Əli Məsimli növbəti görüşünü rayonun Biləcik kəndinin sakinləri ilə keçirib.

Reyting.az
xəbər verir ki, görüşdə Əli Məsimlinin vəkilləri - pedaqogika elmləri doktoru, professor Firədun İbrahimov, biologiya üzrə fəlsəfə doktoru, dosent Qüdürət Bəkirov çıxış edərək deputatlığa namizədin həyat və fəaliyyəti, o cümlədən Milli Məclisdə, seçicilərlə iş sahəsində gördüyü işlər barədə ətraflı məlumat verib və fevralın 9-da hamını seçkilrdə fəal iştiraka dəvət ediblər.

Vəkillərin çıxışından sonra deputatlığa namizədin vətəndaşları daha çox narahat edən sosial məsələlər və Şəkinin sosial-iqtisadi problemləri ilə əlaqədar parlamentdəki çıxışlarını əks etdirən qısa videoçarx təqdim edilib.

Əli Məsimli seçicilərə Milli Məclisdəki 4 illik fəaliyyəti barədə hesabatı ilə yanaşı, seçkiqabağı platforması, yenidən etimad göstəriləcəyi təqdirdə Milli Məclisdəki fəaliyyəti barədə ətraflı məlumat verib. Deputatlığa namizəd bildirib ki, islahatlar və sosial sahədə atılan addımlar bu il və növbəti ildə də davam etdiriləcək.

Əli Məsimli Şəki kəndlərinin əsas problemləri barədə danışaraq bildirib ki, o qədər də uzaq olmayan illərdə Şəki şəhəri, Şəki rayonuna aid yalnız 2 qəsəbə və bir necə kənd qazlaşdırılmışdı. İndi Şəki şəhəri və iki qəsəbədən əlavə qaz alan kəndlərin sayı 43-ə çatıb. Qaz alan kəndlər arasında Biləcik kəndinin də adı var. Bu sahədə görülən işləri müsbət qiymətləndirməklə yanaşı, Əli Məsimli Şəkinin qazlaşdırılmayan kəndlərinin də qazlaşdırılması işinin sürətləndirilməsini zəruri hesab etdiyini bildirib.

Əli Məsimli deyib ki, Biləçik kənd sakinləri zəhmətkeşlikləri ilə fəqlənən insanlardır. Amma kəndin problemləri də az deyil. Kənddə uşaq baxçasına ehtiyac var, tam orta məktəb binası bərbad vəziyyətdədir və yeni məktəb binasının inşası olduqca zəruridir.

Tibb məntəqəsi üçün yeni bina da inşa edilsə, yaxı olar, kəndin yeni massivində içməli su probleminin həlli də sürətlədirilməlidir.

Əli Məsimli daha sonra deyib: “Sizin səsinizin gücü ilə parlamentdə fəaliyyətimizi davam etdirmək qismət olsa, Biləcik kəndi də daxil olmaqla Şəki rayonunun problemlərinin həllini sürətləndirməkdən ötrü aidiyyatı orqanlara müraciət edəcəyik. Mövcud problemləri həll etmək üçün gəlin, ölkədə həyata keçirilən islahatlara dəstək olaq ki, həmin problemlərin həlli sürətlənsin”.

Çıxış edən seçicilər öz növbəsində namizədin parlamendəki fəaliyyətini və Şəki rayonunun problemlərinin həlli istiqamətində gördüyü işləri yüksək dəyərləndirdiklərini qeyd ediblər və onu yenidən Milli Məclisdə görmək istədiklərini, fevralın 9-da ona səs verəcəklərini bildiriblər.

Seçiciləri Əli Məsimlinin yenidən deputat seçilməsinə “hə” dedilərSeçiciləri Əli Məsimlinin yenidən deputat seçilməsinə “hə” dedilərSeçiciləri Əli Məsimlinin yenidən deputat seçilməsinə “hə” dedilərскачать dle 10.5фильмы бесплатно




Bölməyə aid digər xəbərlər
{sape_links}{sape_article}