Əli Məsimlinin Şin kəndindəki seçiciləri ona yenidən səs verəcəklər - Fotolar
Tarix: 29-01-2020 18:59 | Bölmə: Siyasət
Əli Məsimlinin Şin kəndindəki seçiciləri ona yenidən səs verəcəklər

Yanvarın 29-da 114 saylı Şəki kənd birinci Seçki Dairəsindən deputatlığa namizəd Əli Məsimli növbəti görüşünü rayonun Şin kəndinin sakinləri ilə keçirib.

Reyting.az
xəbər verir ki, Əli Məsimli Milli Məclisdəki 4 illik fəaliyyəti barədə seçicilərə hesabat verdikdən sonra, seçkiqabağı platforması, ona yenidən etimad göstəriləcəyi təqdirdə parlamentdəki fəaliyyəti barədə danışıb. Deputatlığa namizəd çıxışında bildirib ki, 2018-ci ilin aprelində keçirilmiş növbədənkənar prezident seçkilərindən sonra Azərbaycanda islahatların yeni mərhələsi başlayıb. İqtisadiyyatın istehsal və maliyyə sahələri ilə bağlı islahat xarakterli addımlar, eləcə də kadr islahatları ilə müşayiət olunan struktur islahatları sosial sahədəki islahatlarla tamamlanmış şəkildə həyata keçirilir. Bu məqsədlə 4,2 milyondan artıq əhalini əhatə edən genişmiqyaslı Sosial Paket həyata keçirilir. Onların arasında şəhid ailələrinə 11 min manatlıq kompensasiyanın ödənilməsi, banklara 10 min dollara qədər borcu olan vətəndaşlara kompensasiya və güzəştlərin tətbiqi, eləcə də əmək haqqı, pensiya və digər ödənişlərin mərhələli şəkildə artırılması xüsusi yer tutur.

Əli Məsimli çıxışında deyib ki, islahatlar və sosial sahədə atılan addımlar növbəti ildə də davam etdiriləcək. Çünki iqtisadi artım templərini potensial imkanlarımız səviyyəsinə qaldırmaq və əhalinin güzəranını yaxşılaşdırmasına davamlı xarakter verilməsinin güclü iqtisadi əsaslarını yartamaqdan ötrü islahatları genişləndirmək və dərinləşdirmək istiqamətlərində görüləsi işlər hələ çoxdur.

Görüşdə çıxış edən sakinlər Şin kəndinin problemlərindən danışıblar.

Əli Məsimli bildirib: “Keçən dəfə fəaliyyətimizi Şəkinin 2016-2020-ci ilər üzrə İnkişaf Proqramı əsasında qurmuşduq. Etimad göstərildiyi təqdirdə təkcə 114 saylı Şəki kənd birinci Seçki Dairəsi ilə məhdudlaşmadan bütövlükdə Şəki rayonunun aktual problemləri bu dəfə də Şəkinin 2021-2025-ci illər üzrə inkişaf proqramında öz əksini tapacaq və bu problemləri sistemləşdirib aidiyyatı orqanlara göndərəcəyik”.

Çıxış edən seçicilər öz növbəsində namizədə uğurlar arzulayıblar və onun parlamendəki fəaliyyətini və Şəki rayonunun problemlərinin həlli istiqamətində gördüyü işləri yüksək dəyərləndirərək onu yenidən Milli Məclisdə görmək istədiklərini, ona səs verəcəklərini bildiriblər.

Əli Məsimlinin Şin kəndindəki seçiciləri ona yenidən səs verəcəklər
Əli Məsimlinin Şin kəndindəki seçiciləri ona yenidən səs verəcəklər
Əli Məsimlinin Şin kəndindəki seçiciləri ona yenidən səs verəcəklərƏli Məsimlinin Şin kəndindəki seçiciləri ona yenidən səs verəcəklər
Əli Məsimlinin Şin kəndindəki seçiciləri ona yenidən səs verəcəklər
Əli Məsimlinin Şin kəndindəki seçiciləri ona yenidən səs verəcəklər
Əli Məsimlinin Şin kəndindəki seçiciləri ona yenidən səs verəcəklər
Əli Məsimlinin Şin kəndindəki seçiciləri ona yenidən səs verəcəklər
Əli Məsimlinin Şin kəndindəki seçiciləri ona yenidən səs verəcəklər




Bölməyə aid digər xəbərlər
{sape_links}{sape_article}