17:38 / 28-03-2024
Əməkdar artist vəfat edib
Müxalifət iqtidarın Lökbatan təklifini qəbul etmədi - Mitinq üçün təkrar müraciət olunacaq
Tarix: 13-02-2020 16:01 | Bölmə: Siyasət
Müxalifət iqtidarın Lökbatan təklifini qəbul etmədi - Mitinq üçün təkrar müraciət olunacaq

Müsavat, REAL partiyaları, D 18 təşkilatı və müstəqil namizədlər fevralın 16-da mitinq keçirmək üçün yenidən Bakı Şəhər İcra Hakimiyyətinə (BŞİH) müraciət edəcək.

Reyting.az
xəbər verir ki, bu barədə APA-ya açıqlamasında deputatlığa namizəd, mitinq təşkilatçılarından Ruslan İzzətli bildirib.

Ruslan İzzətli deyib ki, birgə toplantıda BŞİH-nin16 fevral 2020-ci il tarixdə, saat 15:00-dan-17:00-dək Qaradağ rayonu, Lökbatan qəsəbəsindəki 28 May küçəsi “Neftçi" İdman Klubu İctimai Birliyinin Qaradağ təlim-idman bazasında keçirilməsi təklifi qəbul edilməyib: “Biz fevralın 16-da Bakıda mərkəzi meydanlardan birində mitinq keçirilməsi üçün yenidən BŞİH-nə müraciət edəcəyik”.

Xatırladaq ki, bundan əvvəl Müsavat, REAL partiyaları, D 18 təşkilatı və müstəqil namizədlər seçki ilə bağlı Bakı şəhərində "28 May" metrostasiyasının qarşısındakı meydanda (Cəfər Cabbarlı heykəlinin qarşısı) mitinq keçirilməsi üçün BŞİH-ə müraciət etmişdi.

BŞİH-nın dünən mitinqin təşkilatçıları İlqar Məmmədov, Ruslan İzzətli, Fərhad Mehdiyev, Fərəc Kərimov və Günel Səfərovaya göndərdiyi cavab məktubunda bildirilib ki, əhalinin daha sıx hərəkətdə olduğu metro çıxışı olduğu üçün toplantıda iştirak etməyən digər insanların sərbəst hərəkətinin, metropolitenin iş ahənginin təmin edilməsində problemlər yaradacaq. Alternativ yer olaraq mitinqin 16 fevral 2020-ci il tarixdə, saat 15:00-dan-17:00-dək Qaradağ rayonu, Lökbatan qəsəbəsindəki 28 May küçəsi “Neftçi" İdman Klubu İctimai Birliyinin Qaradağ təlim-idman bazasında keçirilməsi təklif edilib. 




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}