"Prezident İlham Əliyev oktyabrın 7-də Nazirlər Kabinetinin 2016-cı ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasında Dağlıq Qarabağ məsələsinin həll olunmamasının əsas səbəblərindən biri kimi işğalçı dövlətə himayədarları tərəfindən yardımın göstərməsini vurğulması ilə çalışdı ki, xalq bundan xəbər tutsun”.

Reyting.az xəbər verir ki, bu sözləri SİA-ya politoloq Cümşüd Nuriyev deyib.

Politoloqun sözlərinə görə, bu gün xristian dünyası qarşısında Azərbaycan və onun rəhbəri tək qalıb və mübarizə aparır: "Hal-hazırda siyasi müharibə gedir. Məsələ ondadır ki, Dağlıq Qarabağ məsələsinin həll olunmasını nə Rusiya, nə də ABŞ istəyir. Rəsmi Amerika öz maraqları çıxarından Qafqaza sahiblənmək üçün Azərbaycan açar dövlət olduğuna görə istəyir ki, ölkəmizi əlində saxlasın. Təbii ki, Rusiya da Qafqazdakı siyasəti davam etdirmək üçün Azərbaycandan yararlanmağa çalışır. Onların Azərbaycana sahiblənmək iddiası Dağlıq Qarabağ məsələsinin status-kvosunun dəyişdirilməsinə maneçilik törədir. Bu günə qədər də o məsələ ona görə həll olunmur. Ümumiyyətlə, hələlik həll olunmaq ehtimalı da o qədər inandırıc görünmür. Bu mənada cənab Prezident həm hökumət üzvlərinə, həm də Azərbaycan xalqına bəyan etdi.

O Konstitusiyada nəzərdə tutulmuş müddəalara uyğun olaraq öz fikirləri ilə xalqı tanış etdi və eyni zamanda Azərbaycana qarşı olan məsələləri xalqa çatdırdı”.

O əlavə edib ki, Prezident öz ətrafında xalqını, dövlətini görmək istəyir: "Dövlət başçısı dövlət məmurlarına bunu bildirməklə bir növ öz xalqına da səsləndi. Təbii ki, xalq da bu məsələdə ölkə rəhbərinin ətrafındadır. Bu tək siyasi məsələ deyil, həm də mənəvi məsələ idi. Amma siyasi məsələ kimi Azərbaycanın bu məsələdə geri dönüşü yoxdur”.