"Rusiya Dövlət Dumasının bir neçə kommunist, ağıldankəm deputatı 1921-ci ildə Rusiya ilə Türkiyə arasında bağlanılmış Qars müqaviləsini ləğv etmək təşəbbüsünü irəli sürüblər. Bu deputatlar 4-5 ay əvvəl ABŞ və Rusiya arasında olan Alyaska müqaviləsinin ləğvinitəklif edənlərdir”.

Reyting.az saytı Cebhe.info-ya istinadən xəbər verir ki, bu barədə Azərbaycan Parlamentinin keçmiş sədri Rəsul Quliyev bildirib.

R.Quliyev hesab edir ki, belə bir təklifin irəli sürülməsindən ABŞ-ın xəbəri belə olmadı: "Çünki mən nə ABŞ, nə də Avropa mediasında bu ağılsız təklif barədə fikir söyləyənə rast gəldim. Bununla guya Rusiya Türkiyəni qorxutmaq istəyir və Azərbaycanı daha da müti olmağa sövq etdirəcəyini düşünür”.

Eks-spiker deyib ki, əgər bu təklifi Putin qəbul edərsə, Rusiya Türkiyəyə müharibə elan etməlidir: "Çünki Naxçıvan o müqavilənin bir müddəasıdır. Yerdə qalan 10-larla maddələr ümumi dostluq əlaqələrinin bərpası və davamlı olması barədədir. Düzdür, 1921-ci ildən sonra Rusiya bir neçə dəfə bu müqaviləni pozub, Bosfor boğazını ələ keçirməyə cəhd edib. Xüsusilə, 1945-ci ilin avqustunda 2 milyondan çox qoşunu Bolqarıstan – Türkiyə sərhədinə yerləşdirib, İstanbula hucum etmək planı var idi. Xoşbəxtlikdən ABŞ-ın Yaponiyaya atom bombası atması onları dayandırdı. Nəticədə öz istəyinə nail olmayıb. Naxçıvan Azərbaycanın yeganə ərazisidir ki, Rusiyanın oranı işğal etmək şansı yoxdur. Müqaviləni birtərəfli ləğv etmək isə aqressiya adlandırılır, narahat olmağa dəyməz. Rusiya bu gün bu işi görə bilməz”.