Azərbaycan Liberal Demokrat Partiyasının (ALDP) sədri Fuad Əliyev Sədr Aparatının iclasını keçirib.

Partiyadan Reyting.az-a verilən məlumata görə, iclasda ictimai-siyasi vəziyyət, Xocalı soyqırımının 25 illiyinə hazırlıq işləri və bəzi təşkilati məsələlər müzakirə olunub.

İclasda "Azərbaycan-Ermənistan sülh platformasına” ermənilərin və azərbaycanlıların qoşulması və bu "platforma” əsasında ermənilərin Azərbaycana gələ biləcəyi məsələsi də müzakirəyə çıxarılıb. Çıxış edənlər "Dağlıg Qarabağ münaqişəsi həll olunmamış, Ermənistandan yüz minlərlə qovulan azərbaycanlıların hüquqları bərpa olunmamış, Ermənistan hökuməti tərəfindən azərbaycanlıların öz torpaqlarına qayıtmağa şərait yaratmamış ermənlilərin Azərbaycana gəlməsi qəbul olunmazdı. Hesab edirik ki, "Sülh platforması” birtərəfli olmamalıdır. Digər tərəfdən, minlərlə azərbaycanlı Ermənistanda hələ də girovda saxlanılır. Hesab edirik ki, azərbaycanlılar yaxın tariximizdəermənilər tərəfindən Azərbaycan xalqının başına gətirilən soyqırımları yaddan çıxarmamalıdır vəbu "Platforma"ya üzv olmaq üçün növbəyə durmamalıdır”, – deyə qeyd ediblər.

Daha sonra azərbaycanlı blogger Orduxan Teymurxanın bacılarının fevralın 18-də Suraxanı Rayon Polis İdarəsinə aparılması pisləndi. Çıxış edənlər "heç kim heç kimə görə cavabdeh deyil”,-deyərək bunu qəbulolunmaz hal kimi qiymətləndiriblər.

İclasın sonunda bəzi təşkilati məsələlərə baxılıb.