15:17 / 28-05-2024
KTN-də yeni təyinat olub
Fransanın Ermənistana hərbi yardımı balansı dəyişməyəcək
Tarix: 13-05-2023 10:41 | Bölmə: Siyasət
Fransanın Ermənistana hərbi yardımı balansı dəyişməyəcək

"Mətbuatda xəbərlər verildi ki, Fransa prezident Makronun təşəbbüsü ilə Ermənistan ordusunun yenidən silahlanmasında iştirak etmək niyyətindədir. Qeyd olunurdu ki, bu işin əlaqələndirilməsi üçün Fransanın İrəvandakı səfirliyində hərbi missiyanın təşkili planlaşdırılır. Əvvəllər Ermənistanı Fransanın Tiflisdə yerləşən hərbi attaşesi dəstəkləyirdi. Fransanın bu niyyəti həm prezident Makronun Ermənistan-Azərbaycan nizamlanmasında vasitəçilik iddiaları ilə necə birləşməsi, həm də Fransanın Ermənistana silah tədarükünün hərbi balansı dəyişib-dəyişdirməyəcəyi baxımından dəyərləndirilməlidir".

Bunu Reyting.az-a Milli Məclisin üzvü, politoloq Rasim Musabəyov deyib.

Onun sözlərinə görə, əgər Fransanın Ermənistana hərbi tədarükü ilə bağlı məlumatlar Bakını Makronun vasitəçiliyini qəbul etməyə razı salmaq üçün edilirsə, prezident İlham Əliyevin işində şantaj söhbəti heç bir nəticə vermir.

R. Musabəyov əlavə edib ki, Fransa parlamenti tərəfindən beynəlxalq hüquqa zidd olan birtərəfli anti-Azərbaycan qətnamələri qəbul olunub, üstəlik, bu ölkənin ermənilərə silah-sursat verməsi mənfi münasibəti daha da dərinlədirə bilər.

Məsələnin məzmununa, yəni Fransanın Ermənistana göndərdiyi hərbi tədarükün həcminə və çəkisinə gəlincə, deputat bildirib ki, onların əhəmiyyətli olacağını ehtimal etmir: “Nümunələr üçün uzağa getməyə ehtiyac yoxdur. Fransanın hərbi attaşesi uzun müddətdir ki, Gürcüstandadır. Gürcüstan Rusiyanın təcavüzünə məruz qalıb, Ermənistan isə Moskva ilə müttəfiqdir. Gürcüstan prezidenti Salome Zurabişvili, Gürcüstanın kölgə bossu Bdzina İvanişvilinin Fransa pasportu var. Bəs Fransa Gürcüstanın silahlı qüvvələrinin gücləndirilməsində hansısa mühüm rol oynayırmı? Tank əleyhinə sistemlərin birdəfəlik tədarükü istisna olmaqla, xatırlamaq üçün heç bir şey yoxdur. Reallıqda ABŞ-ı demirəm, Türkiyədən Gürcüstana hərbi yardım daha çoxdur".

Musabəyov sonda diqqətə çatdırıb ki, Fransanın Ermənistana silah vermək niyyəti Paris və Bakı arasında ikitərəfli münasibətlərə mənfi təsir göstərsə də, ermənipərəst Fransa hökmdarlarının təzyiqi Azərbaycanı nə qorxuda, nə də əyə bilər.

ELÇİN




Bölməyə aid digər xəbərlər
{sape_links}{sape_article}