17:58 / 22-05-2024
"Şamaxı" çempion olub
Rusiya ilə Ukrayna arasında partizan savaşı qızışır: Belqoroda hücum başlayıb
Tarix: 22-05-2023 18:44 | Bölmə: Siyasət
Rusiya ilə Ukrayna arasında partizan savaşı qızışır: Belqoroda hücum başlayıb

Ukrayna Silahlı Qüvvələrinin kəşfiyyat qrupu Ukrayna ilə sərhəddəki Qrayvoron ərazisinə (Rusiyanın Belqorod vilayəti) daxil olub. Rusiya təhlükəsizlik qüvvələri bu qrupu zərərləşdirmək məqsədilə lazimi tədbirlər görür.

Reyting.az
xəbər verir ki, bunu Rusiyanın Belqorod vilayətinin qubernatoru Vyaçeslav Qladkov bəyan edib.

Qubernator bildirib ki, Rusiya Silahlı Qüvvələri və Federal Təhlükəsizlik Xidməti, Rusiya Mühafizə Korpusu və sərhədçilər qrupun zərərsizləşdirilməsi üçün lazımi tədbirləri davam etdirirlər.

Dünəndən etibarən bu bölgənin də Ukrayna tərəfindən pilotsuz uçuş aparatları və minaatanlarla hücuma məruz qaldığını qeyd edən Qladkovun sözlərinə görə, yaşayış məntəqələrinə ziyan dəyib, Qlotovo kəndində 2 nəfər yaralanıb.

Kremlin sözçüsü Dmitri Peskov isə Ukrayna təxribat qrupunun Belqorod bölgəsinə daxil olması ilə bağlı Rusiya prezidenti Vladimir Putinə məlumat verildiyini bildirib. Peskov deyib ki, sabotaj qrupunun məqsədi diqqəti Baxmutdan yayındırmaq və bu ərazinin itirilməsinin Ukraynaya siyasi təsirini azaltmaqdır.

Müdafiə Nazirliyi, Federal Təhlükəsizlik Xidməti və Sərhəd Təhlükəsizliyi Xidmətinin təxribatçılara qarşı mübarizəni davam etdirdiklərini diqqətə çatdıran Peskov qeyd edib ki, təxribat qrupunun əraziyə sızması barədə Putinə məlumat verilib: “Biz bu təxribat qrupunun Rusiya ərazisindən çıxarılması və məhv edilməsi üzərində işləyirik. Hadisə yerində kifayət qədər qüvvəmiz və texnikamız var”.

Digər bir məlumata görə, Belqorod vilayətinin ərazisində əməliyyatı “Rusiyanın Azadlığı” legionu və “Rusiya Könüllülər Korpusu”nun nümayəndələri həyata keçirir. Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Yusov deyib ki, məqsəd Ukrayna kəşfiyyatı tərəfindən mülki ukraynalıların müdafiəsi üçün "təhlükəsizlik zonası" yaratmaqdır. A. Yusov əlavə edib ki, əməliyyat yalnız Rusiya vətəndaşları tərəfindən həyata keçirilir:

“Bəli, bu gün Rusiya Federasiyası vətəndaşlarından ibarət Rusiya Könüllülər Korpusu və “Rusiya Azadlığı Legionu” Belqorod vilayətinin bu ərazilərini qondarma Putin rejimindən azad etmək və düşməni geri çəkmək üçün əməliyyata başlayıb”, - deyə Yusov hücumu təsdiqləyib.

ELÇİN




Bölməyə aid digər xəbərlər
{sape_links}{sape_article}