14:03 / 18-07-2024
Tramp Avropanı qorxudur
13:20 / 18-07-2024
Tramp Baydendən önə keçir
Ərdoğanın yeni xarici siyasəti dünyaya nə vəd edir?
Tarix: 29-05-2023 12:58 | Bölmə: Siyasət
Ərdoğanın yeni xarici siyasəti dünyaya nə vəd edir?

Dünən Türkiyədə keçirilən prezident seçkilərinin ikinci turunda Ərdoğanın qələbə qazanması bu ölkənin yeni xarici siyasət istiqamətlərini gündəmə gətirib. İndi dünya mətbuatı əsasən NATO-nun genişlənməsi və suriyalı qaçqınlar məsələsini müzakirə edir.

Reyting.az
-ın xəbərinə görə, BBC kanalı bildirir ki, dünyadan Ərdoğana göndərilən təbrik mesajları Türkiyənin qlobal strateji əhəmiyyətinin əksidir.

BBC Ərdoğanın qələbəsinin Türkiyənin xarici siyasətində böyük dəyişiklik yaradacağının gözlənilmədiyini, lakin Qərbin ölkədəki prosesləri diqqətlə izlədiyini qeyd edib.

Təbrik mesajları yayımlayanlar arasında ABŞ prezidenti Co Bayden və Fransa prezidenti Emmanuel Makronun da olduğunu diqqətə çatdıran Britaniya mətbuatının yazdığına görə, Ərdoğanın Rusiya ilə münasibətini və demokratiya prinsiplərini xoşlamasalar da, Türkiyə Qərb üçün çətin və gözlənilməz, lakin çox mühüm müttəfiqdir.

Ərdoğanın Rusiya ilə yaxın münasibətlər saxlaya biləcəyinə diqqət çəkən BBC bildirir ki, Qərbin Türkiyədən ilkin gözləntisi İsveçin NATO-ya üzvlüyünü təsdiqləməsidir. Eləcə də Türkiyə-Yunanıstan gərginliyi gündəmdədir.

“Time” jurnalı isə Ərdoğanın qələbəsinin Türkiyə və dünya üçün hansı məna kəsb etdiyi sualının çoxları tərəfindən verildiyini bildirir.

Londonda fəaliyyət göstərən “Chatham House” analitik mərkəzindən Qalip Dalay deyib ki, seçkinin nəticəsi “mövcud nizamın davamı” deməkdir. Digər tərəfdən, Dalay diqqətə çatdırıb ki, Türkiyənin İsveçin NATO üzvlüyünü təsdiqləyəcəyi gözlənilir.

Yazar Gönül Tol isə önümüzdəki 5 ildə Ərdoğanın daxili siyasətdə istiqamət dəyişməsinin gözlənilmədiyini düşünür və bildirir ki, Türkiyə seçkilərin əhəmiyyətsiz olduğu bir ölkəyə çevriləcək. Qeyd olunur ki, suriyalıları Türkiyədə saxladığı müddətdə Qərb Ərdoğana tolerantlıq göstərəcək.

Məqalədə nəticənin Türkiyədəki suriyalıları da maraqlandırdığı, Ərdoğanın suriyalıların öz ölkələrinə könüllü qayıtması ilə bağlı planlarının olduğu bildirilib.

Britaniyanın “Guardian” qəzeti isə Ərdoğanın seçkilərdə qalib gəlməsindən sonra Qərbin “qorxu ilə ümid arasında ilişib qaldığını” yazır. Qərb ölkələrinin Türkiyənin dünyəvi və liberal Qərbdən uzaqlaşmasından narahat olduqlarını, lakin Ərdoğanın yenidən seçilə bilməyəcəyi üçün onu razı salacağına ümid etdiklərini qeyd edən “Guardian”a görə, Ərdoğanın seçkidə qalib gəlməsi suriyalı mühacirlər baxımından Qərb üçün rahatlıq deməkdir.

ELÇİN




Bölməyə aid digər xəbərlər
{sape_links}{sape_article}