Türkiyə-Rusiya anlaşması alınmır: Kreml Ankaranı alternativ varianta təhrik edir - Fotolar
Tarix: 13-02-2020 13:45 | Bölmə: Slayd
Türkiyə-Rusiya anlaşması alınmır: Kreml Ankaranı alternativ varianta təhrik edir

Rusiya ilə Türkiyə arasında Suriya mövzusunda gərginliyin müşahidə edildiyi bir ərəfədə Türkiyənin Müdafiə naziri Hulusi Akarın son addımları diqqətdən yayınmayıb.

Reyting.az
xəbər verir ki, Müdafiə naziri Akar Brüsselə səfər edərək NATO Müdafiə nazirlərinin toplantısına qatılıb.

Toplantı çərçivəsində general Akar ABŞ-ın Müdafiə naziri Mark Esperlə görüşüb. Görüşdə Suriya və İraqda təhlükəsizlik və müdafiə mövzusunda fikir mübadiləsi aparılıb. Eyni zamanda İdlibdə baş verənlərlə bağlı həm ABŞ, həm də NATO-nun müsbət addımlar atmasının vacibliyi vurğulanıb.

Türkiyə-Rusiya anlaşması alınmır: Kreml Ankaranı alternativ varianta təhrik edir

Türkiyəli general İtaliyanın Müdafiə naziri Lorenzo Guerini və polşalı həmkarı Mariusz Blaszczakla da müzakirələr aparıb.

Hulusi Akar, eyni zamanda Ukraynanın Müdafiə naziri Andrey Zoqorodnyukla da bir araya gəlib.

Qeyd edək ki, hazırda İdlibdə 13 türk əsgərinin öldürülməsinə səbəb olan Bəşər Əsədin hücumlarına görə Moskva-Ankara münasibətlərində gərginlik müşahidə edilir. Hətta Moskvadan Ankaraya gələn xüsusi heyət Türkiyədə iki günlük müzakirələr aparsa da, ortaq məxrəcə gəlinməyib və rus heyəti Ankaranı tərk edib. Görünən odur ki, Kreml Bəşər Əsədin hərəkətlərini pisləmək və onu dayandırmaq niyyətindən uzaqdır. Belə bir ərəfədə Türkiyənin Müdafiə nazirinin Brüsseldə keçirdiyi görüşlər birmənalı qarşılanmır.

Türkiyə-Rusiya anlaşması alınmır: Kreml Ankaranı alternativ varianta təhrik edir

Rusiya üçün Türkiyə Müdafiə nazirinin ABŞ-dan olan həmkarı ilə bir araya gəlməsi heç də arzu edilən deyil. İtaliya isə NATO-nun Avropadakı əsas hərbi bazasına malikdir və bu mənada Akar-Lorenzo görüşü də Moskvanın maraqlarına uyğun sayılmır.

Ukrayna Müdafiə naziri ilə türk generalın görüşü də Rusiyanın maraqları baxımından müsbət sayıla bilməz.

Polşa isə son illər Rusiyaya qarşı əsas sipər rolunu oynayan Avropa ölkəsi hesab olunur. Bu ölkədə ABŞ-ın hava hücumundan müdafiə sistemləri yerləşdirilib və bu, sözsüz ki, Rusiyaya qarşıdır.

Türkiyə-Rusiya anlaşması alınmır: Kreml Ankaranı alternativ varianta təhrik edir

Görünən odur ki, Türkiyənin İdlibdəki maraq və tələblərini qəbul etməyən rəsmi Moskvaya mesajlar verilir ki, Ankaranın masasında Rusiya yeganə variant deyil və başqa seçimlər mövcuddur.

Türkiyə-Rusiya anlaşması alınmır: Kreml Ankaranı alternativ varianta təhrik edir

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}