17:38 / 28-03-2024
Əməkdar artist vəfat edib
Deputat: “Ermənistan Azərbaycan qarşısında öhdəlik götürməlidir ki…”
Tarix: 09-04-2021 13:40 | Bölmə: Slayd
Deputat: “Ermənistan Azərbaycan qarşısında öhdəlik götürməlidir ki…”

“Ermənistan Baş naziri Nikol Paşinyan Moskvaya səfər etsə də, real olaraq hər hansı bir sənəd imzalanmadı. Moskva da gözləyir ki, seçkidən sonra kimlə əməkdaşlıq edəcək. Ona görə də, çox da canfəşanlıq etmək niyyətində deyil. Sabiq president Robert Köçəryan müxalifətdədir, Moskva arzu etsə də, onunla hər hansı bir saziş, sənəd imzalaya bilməz. Eyni zamanda Nikol Paşinyana da belə bir fürsət vermək istəmədi”.

Bunu Reyting.az-a Milli Məclisin deputatı, politoloq Rasim Musabəyov Ermənistan Baş naziri Nikol Paşinyanın Moskvada apardığı müzakirələri qiymətləndirərkən deyib.

Politoloq qeyd edib ki, Moskva səfəri zamanı Paşinyan Azərbaycan tərəfindən əsir alınan terrorçular məsələsini qaldırıb: “Onlar bizim tutduğumuz terrorçuları əsir kimi təqdim edirlər. Halbuki onlar terrorçudur və Azərbaycan bu məsələdə ortaya ciddi mövqe qoyub. Erməni tərəfi zəhmət çəkib öhdəlik götürməlidir ki, bir daha bizim ərazilərimizə onların hərbçiləri keçməyəcək.

Əlbəttə, Azərbaycan minalanmış ərazilərin xəritəsini də tələb edir. Erməni tərəfi isə bunu təmin etməlidir. Bu olmadığı təqdirdə Azərbaycandan heç nə almaq mümkün olmayacaq. İstəyirsən Rusiya yox, lap Avropa Şurası gəlsin. Atəşkəsdən sonra Azərbaycan ərazisinə Ermənistandan əli silahlı qrup göndərilib. Onlar da azərbaycanlıları öldürüblər və buna görə cavab verməlidirlər. Bundan da heç kəs boyun qaçıra bilməyəcək”.

Nikol Paşinyanın ordu quruculuğu, Rusiyanın erməni ordusunun qurulması və təchizatında iştirak etmək, Nüvə Elektrik Stansiyasının tikilməsi kimi məsələləri qaldırmasına gəlincə, R. Musabəyov deyir ki, bütün bunlar nisiyə söhbətlərdir. Onun sözlərinə görə, rusların müharibə zamanı Ermənistana verdiyi silahların ödənişi həllini tapmayıb: “Nəinki ödəniş olmayıb, heç kredit sənədləri də yoxdur. Əvvəlcə bu məsələ həllini tapmalıdır. Rusiya gəlib heç nədən bunların başına silah tökəsi deyil ki. Verdiklərinin müqabilində “borc kəndirini” boğazlarından daha bərk bağlamaq niyyətindədir”.

R. Musabəyovun fikrincə, N. Paşinyan Moskva səfəri ilə göstərmək istəyib ki, “Moskva məni qəbul edir və mənimlə işləməyə hazırdır”. Deputat əlavə edib ki, bu, seçki qabağı Paşinyan üçün vacib idi. Yəni seçki təbliğatında bundan istifadə etməyə çalışacaq.

Reyting.az




Bölməyə aid digər xəbərlər
{sape_links}{sape_article}