17:38 / 28-03-2024
Əməkdar artist vəfat edib
Paşinyan Putinlə Qarabağla bağlı gizli danışıqları açıqlayıb
Tarix: 14-04-2021 14:38 | Bölmə: Slayd
Paşinyan Putinlə Qarabağla bağlı gizli danışıqları açıqlayıb

Bu gün Ermənistanın Baş naziri Nikol Paşinyan Qarabağ və Qarabağdakı 44 günlük savaşla bağlı çox maraqlı faktları açıqlayıb.

Reyting.az
xəbər verir ki, o, Azərbaycanın zəfər qazandığı 44 günlük müharibə zamanı Putinə etdiyi zənglərin məğzini açıqlayıb:

"Oktyabrın ikinci yarısında Putinə zəng etdim, “5+2” variantı üzrə razı olduğumuzu bildirdim. Azərbaycanın qaçqınların qayıtması ilə bağlı şərtləri var idi. Bildirdim ki, bu məsələ Dağlıq Qarabağın statusunun müəyyən edilməsi prosesi ilə əlaqələndirilsə, etirazımız olmayacaq. Putin Azərbaycan prezidenti ilə danışdı və məlum oldu ki, Bakı Hadrutu verməkdən qəti şəkildə imtina edir, o cümlədən, Şuşa da daxil olmaqla Qarabağın statusunun qaçqınların qayıtması mövzusu ilə əlaqələndirilməsini qəbul etmir. Bakı, eyni zamanda, “5+2” variantını yox, yeddi rayonun hamısının eyni vaxtda qaytarılmasını tələb edir. Daha sonra Azərbaycan Dağlıq Qarabağın statusunu da tamamilə rədd etdi".

Paşinyan daha sonra bildirib ki, Ermənistanın eks-prezidenti Levon Ter-Petrosyan hələ 2018-ci ildə ona Qarabağ torpaqlarını geri qaytarmağı təklif edib. "Sizə daha bir sirri açım: Birinci prezidentin 2018-ci ilin iyulunda mənimlə görüşündə dedikləridir. Sitat gətrirəm: “Torpaqları artıq verməlisən”. Nəyin qarşılığında? Niyə? Necə? Hər halda eks-prezidentin həmin gün formalaşmış təsəvvürü bu çərçivədən kənara çıxmırdı, qalan digər şeylər qiymətləndirmə mövzusudur".

Reyting.az




Bölməyə aid digər xəbərlər
{sape_links}{sape_article}