Üç ölkə nüvə silahı təhlükəsi ilə bağlı xəbərdarlıq edir - Bəyanat
Tarix: 17-04-2021 17:05 | Bölmə: Slayd
Üç ölkə nüvə silahı təhlükəsi ilə bağlı xəbərdarlıq edir

İngiltərə, Almaniya və Fransa İranın uranı yüksək səviyyədə zənginləşdirməsinə qarşı birgə bəyanatla çıxış edib.

Reyting.az
-ın məlumatına görə, ortaq bəyanatda bildirilir ki, İran inandırıcı mülki ehtiyacı olmayan səviyyələrdə uranı zənginləşdirməklə nüvə silahı istehsalına doğru təhlükəli addım atır.

Xatırladaq ki, dünən İran uranın zənginləşdirilməsi səviyyəsini yüzdə altmışa çıxardığını, bunun nüvə silahı keyfiyyətinin təmizliyindən çox olduğunu açıqlayıb. Məlumatı həm İran parlamentinin sədri Məhəmməd Bakir Kalibaf, həm də İran Atom Enerjisi Təşkilatının rəhbəri Əli Əkbər Salehi təsdiqləyib.

Fransa, Almaniya və İngiltərənin birgə bəyanatında isə zənginləşdirilən uranın nüvə silahı istehsalında əhəmiyyətli bir addım olduğu üçün ciddi proses kimi qiymətləndirilir. Bu üç ölkə İranın bu istiqamətdə atdığı addımları pisləyərək, uranın bu səviyyədə zənginləşdirilməsinin mülki ehtiyacla əlaqəli olmadığını bildirirlər.

“Əlavə olaraq İranın Natanz nüvə stansiyasında 100 ədəd təmizləyici nasos quraşdırmağın planlaşdırıldığını və bunun uranın zənginləşdirmə qabiliyyətini əhəmiyyətli dərəcədə artıracağı xəbərləri ilə əlaqədar narahatlığımızı bəyan edirik”,- bəyanatda deyilir.

Qeyd edək ki, İran 2015-ci ildə 5+1 formatında nüvə proqramına dair razılaşma imzalayıb. Razılaşmada ABŞ, İngiltərə, Fransa, Çin, Rusiya və Almaniya iştirak edib. Bu anlaşma İranın uranın yalnız 3,67 faiz saflıq səviyyəsində zənginləşdirməsinə icazə verir.

Reyting.az




Bölməyə aid digər xəbərlər
{sape_links}{sape_article}