“Bayden-Ərdoğan görüşü heç nəyi dəyişdirməyəcək” - ADP sədri
Tarix: 09-06-2021 17:05 | Bölmə: Slayd
“Bayden-Ərdoğan görüşü heç nəyi dəyişdirməyəcək”

“Türkiyə və ABŞ prezidentləri Ərdoğan və Bayden arasında baş tutacaq görüşdən ciddi heç nə gözləmirəm. Bu, NATO çərçivəsində baş tutacaq nəzakət görüşüdür. Bu görüş də ciddi məsələlər müzakirə edilməyəcək. Səthi şəkildə tanışlıq xarakterli görüş olacaq”.

Bunu Reyting.az-a Azərbaycan Demokrat Partiyasının (ADP) sədri Sərdar Cəlaloğlu deyib.

O, Bayden və Ərdoğanın köhnə tanışlar olduğunu xüsusilə qeyd edib: “Ancaq nəzərə almaq lazımdır ki, prezident Baydenlə vitse-prezident Bayden və ya senator Bayden eyni statusda deyil. Hazırda ABŞ-ın siyasətini Bayden müəyyən edir. Bu çərçivədə də görüş olacaq”.


S. Cəlaloğlu

S. Cəlaloğlu ehtimal edir ki, Bayden və Ərdoğan görüşündə Qarabağ məsələsi müzakirə edilməyəcək: “Ola bilsin ki, bu mövzuya toxunulsan. Yəni ABŞ tərəfi mövqeyini bildirsin. Türkiyə də eyni cürə, əsasən konfliktlərlə bağlı fikirlərini ABŞ liderinə çatdıracaq. Bundan artıq bir şey gözləmirəm”.

ADP sədri Türkiyə-Rusiya münasibətlərinə toxunarkən deyib ki, Türkiyə NATO üzvüdür: “Deməli, NATO çərçivəsində aparılan siyasətə Ankara da tabedir. NATO-nun xarici siyasətində Rusiya dost deyil, rəqibdir. Bu baxımdan Türkiyənin Rusiya siyasəti əslində rəqiblə aparılan siyasətdir. Burada dostluq məsələsi yoxdur. Əksinə, istənilən vaxt bu siyasətdə konfliktlər meydana çıxa bilər. İndiki halda sadəcə, münasibətlərin inkişafı həm Ankaranın, həm də Moskvanın maraqlarına uyğundur. Odur ki, hər iki tərəf bu əlaqələri inkişaf etdirməkdə maraqlıdır. Ancaq bu münasibətlər bir anın içərisində pozula bilər”.

C. Cəlaloğlu əlavə edib ki, Türkiyə-Amerika münasibətləri strateji münasibətdir: “Taktiki olaraq hansısa mövzuda soyuqluq yarana bilər, amma bu, uzunvədili olmayacaq. Tezliklə münasibətllər yoluna qoyulacaq. Burada problem ABŞ tərəfindədir. Çünki ABŞ zəif dost-zəif Türkiyə istəyir...”.

Reyting.az




Bölməyə aid digər xəbərlər
bütün xəbərlər
{sape_links}{sape_article}