İran hava məkanını bağlayıb - Ordu döyüş vəziyyətinə gətirilib
Tarix: 03-04-2025 00:01 | Bölmə: Siyasət
İran hava məkanını bağlayıb - Ordu döyüş vəziyyətinə gətirilib

İran hakimiyyəti hava məkanını bağlamaq və ordunu döyüş hazırlığı vəziyyətinə gətirmək barədə qərar qəbul edib.

Bu barədə “Mehr” agentliyi məlumat yayıb.

Qeyd olunub ki, müvafiq qərarlar ABŞ-nın təhdidləri və həm İsrail, həm də Amerika qüvvələrinin regionda fəallığının artması ilə bağlı qəbul edilib(Report).

Xatırladaq ki, “The Daily Mail” nəşri ABŞ-nın yaxın həftələrdə İrandakı nüvə obyektlərinə zərbələr endirməyi planlaşdırdığı barədə məqalə dərc edib.

Bundan başqa ABŞ prezidenti Donald Tramp ötən həftə sonu İranı bombalamaqla hədələyib. Bu təhdid, ABŞ-nın Hind okeanında yerləşən strateji bazaya B-2 “stealth” bombardmançı təyyarələrini yerləşdirməsi fonunda baş verib. Bu təyyarələr, Yaxın Şərqdəki hərbi əməliyyatlar üçün istifadə edilən bazaya yerləşdirilib.

Tramp qeyd edib ki, əgər İran Vaşinqtonla yeni nüvə sazişi bağlamasa, ABŞ onu bombalayacaq. O, martın əvvəlində İran rəhbərliyinə göndərdiyi məktubda danışıqlar üçün şərtlərini irəli sürüb və Tehranı qərar vermək üçün iki aylıq müddət çərçivəsinə salıb.

İranın ali rəhbəri Ayətullah Əli Xamnəi öz növbəsində bildirib ki, əgər ABŞ prezidenti Donald Trampın Tehranı bombalamaq təhdidini həyata keçirsə, Vaşinqton güclü zərbə alacaq.




Bölməyə aid digər xəbərlər