Almaniya NATO tərəfdaşlarını və Ukraynanı aldadır
Tarix: 22-01-2024 09:28 | Bölmə: Dünya
Almaniya NATO tərəfdaşlarını və Ukraynanı aldadır

Almaniya hökuməti müdafiə büdcəsini artırdığını və Kiyevə hərbi yardım göstərdiyini bildirərək, NATO-dakı tərəfdaşlarını, Ukraynanı və öz seçicilərini aldadır.

Reyting.az
xəbər verir ki, bu barədə dw.com platforması məlumat yayıb.

Nəşr yazır ki, Almaniya Silahlı Qüvvələrində Zitenwende (dönüş nöqtəsi) kimi tanınan əsas islahat planları yenidən azaldılıb. Bu səbəbdən 2024-cü ilin federal büdcəsində hökumət NATO-nun xərcləmə hədəflərini çətinliklə yerinə yetirəcək.



Qeyd olunur ki, NATO ölkələri hər il büdcələrinin 2 faizini silahlı qüvvələrə xərcləməyi öhdələrinə götürüblər. Rusiyanın Ukraynaya təcavüzündən sonra kansler Olaf Şolts müttəfiq tərəfdaşlarına Almaniyanın gələcəkdə bu məqsədə çatacağına söz verib. Hətta bu məqsədlə 100 milyard avro dəyərində xüsusi fond yaradılıb. Bu fonddakı vəsaitlər Bundesver üçün müasir hərbi texnikanın alınmasına yönəldilməli idi. Ancaq indi məlum olur ki, Ukraynaya hərbi yardım eyni fonddan maliyyələşdirilir. Almaniyanın ən böyük müxalifət partiyası CDU hökumətin bu yanaşmasını kəskin tənqid edib.
“Rəqəmlər bəzədilib, biz əslində nəyin çatdırıldığına diqqətlə baxmalı olduq. Və biz bunun son 2 ildə 4-5 milyard avro arasında olduğunu gördük. Bu il üçün daha 8 milyard avro elan edilib. Almaniya hökuməti yalnız vəd edilənləri deyil, təmin edilənləri dərc etsəydi, bu, çox ədalətli və faydalı olardı”, - CDU-nun sözçüsü Kiesevetter deyib.

Almaniya hökumətinin məlumatına görə, o, Ukraynaya 17 milyard avrodan çox maliyyə yardımı göndərib. Lakin Kiesevetterin sözlərinə görə, bu rəqəmə Almaniyadakı bir milyondan çox ukraynalı qaçqın üçün sosial xidmətlər də daxildir.

E. KAMAL




Bölməyə aid digər xəbərlər
24-05-2024, 07:35 Kiyev Krımı yenə vurub

{sape_links}{sape_article}