17:38 / 28-03-2024
Əməkdar artist vəfat edib
Qubad İbadoğlu: “Koronavirusla Mübarizə Fonduna yığılan vəsaitdən ya isifadə edilmir, ya da...”
Tarix: 04-12-2020 20:41 | Bölmə: İqtisadiyyat
Qubad İbadoğlu: “Koronavirusla Mübarizə Fonduna yığılan vəsaitdən ya isifadə edilmir, ya da...”

“Koronavirus Azərbaycanda var gücü ilə fəaliyyətdədir, hər gün yeni anti-rekordlar vurur. Artıq son zamanlar 4000-dən çox yoluxma halı qeydə alınır, ölənlərin sayı 1 faizin üzərindədir, hər gün ən azı 40 vətəndaşımız dünyasını dəyişir”.

Reyting.az
xəbər verir ki, bunu iqtisadçı-alim, ABŞ-ın Rutgers Universitetinin professoru Qubad İbadoğlu bildirib.

Q. İbadoğlu qeyd edib ki, evdə və xəstəxanalarda 52 649 aktiv xəstə müalicə alır: “Bu, Azərbaycanın səhiyyə infrstrukturu üçün görünməmiş yükdür. Son zamanlar fəaliyyətə başlayan "Yeni klinika"da, "Atletlər evi"ndə, FHN-nin modul və digər modul xəstəxanalarda xəstələrə yüksək səviyyədə, ödənişsiz və təmannasız xidmət göstərilir. Bütün bunları alqışlayıram, lakin, daxil olan məlumatlara görə, bəzi xəstəxanalara xəstə yerləşdirmək rüşvət hesabına mümkündür. Bu işdə təcili və təxirəsalınmaz tibbi yardım həkimlərinin müəyyən məbləğdə ödənişin müqabilində vasitəçiliyi barədə də xəbərlər alıram. Bununla həkimlərin ağır və riskli əməyinin üzərinə kölgə salmaq istəmirəm. Onlar gözəgörünməz virusla mübarizədə əsl qəhrəmanlıq nümayiş etdirirlər, yoluxurlar, həyatlarını qurban verirlər. Hesab edirəm ki, onların əməyi layiqli qiymətləndirilməli, vəfat edən həkimlərin ailəsinə ən azı 10 min manat məbləğində birdəfəlik yardım edilməlidir. Bunun üçün mənbə də vardır. Belə ki, düzəliş edilmiş büdcədə COVİD-19 pandemiyası ilə əlaqədar olaraq əlavə tələb olunan 1371,5 milyon manat zəruri xərclərin 369,0 milyon manatı səhiyyə sahəsi üzrə xərclənir. Bu xərclər barədə məlumat verilmir, hətta rəsmi olaraq ünvanladığımız sorğular belə cavabsiz buraxılıb”.

Professor bildirib ki, dərman çatışmazlığından, qara bazarda dərman satışlarından məlumatlar da alır: “Belə məlumatları nə ikinci, nə üçüncü deyil, elə birinci şəxslərdən alıram. “Favipiravir” adlı 8 həblik dərmanı 750 manata satırlar. Virusu aşkar etmək üçün testlər dövlət vəsaitinə əldə edilsə də, onların istifadəsi şəffaf deyildir. “Koronavirusla Mübarizəyə Dəstək Fondu”na yığılan 114 milyon 214,5 min manat vəsaitdən ya isifadə edilmir, ya da istifadə edilirsə, hara, necə və nə qədər xərclənməsi açıqlanmır”.

Q. İbadoğlu sonda qeyd edib ki, koronavirusla müvarizədə həlli vacib olan problemlərə ictimai diqqəti artırmaq və xalqın bu ağır zamanda ağrılarını azaltmaq üçün dövlətin məsuliyyətini artırmaq lazımdır.




Bölməyə aid digər xəbərlər
{sape_links}{sape_article}