Qadınlar Şurası müharibə çağırışı edib - Bəyanat
Tarix: 06-11-2019 16:49 | Bölmə: Xəbər lenti
Qadınlar Şurası müharibə çağırışı edib

Bu gün Qarabağ Azadlıq Təşkilatı (QAT) Qadınlar Şurasının toplantısı keçirilib.

Reyting.az
xəbər verir ki, toplantıda Şuranın fəaliyyət proqramı, görülən işlər, təşkilati və digər məsələlər müzakirə olunub, proqrama əlavə təkliflər verilib.

Sonra Qarabağla bağlı ölkədə baş verən siyasi prosesləri nəzərə alaraq Şura bəyanat qəbul edib. Bəyanatda deyilir:

“Biz Qarabağ Azadlıq Təşkilatının üzvləri hər zaman ermənilərin nəinki Bakıya gətitirliməsinə, hətta idman yarışları, mədəniyyət və digər sahələrdə danışıqlara getməsinə qarşı olmuşuq. Belə ki, 30 ilə yaxın bir vaxt ərzində bu danışıqlardan heç bir nəticə əldə olunmayıbsa, deməli, məqsəd sadəcə vaxt uzatmaqdır. Vaxtın uzanması isə Azərbaycanın xeyirinə deyil. Bu, birmənalıdır”.

Bəyanatda bildirilir ki, atəşkəs deyilən rejimə gəlincə, həmişə Ermənistan tərəfi atəşi pozur, bunun nəticəsində həm düşmən tərəfdən, həm də bizim tərəfdən ölən və yaralananalar olur:

“Nə qədər ki, torpaqlar işğaldan azad olunmayıb, bizim bir millət kimi ləyaqətimiz də, adımız da tapdaq altında əziləcək.

Biz Azərbaycanlı analar adından bəyan edirik ki, 1993-cü ildə BMT-nin Təhlükəsizlik Şurası Ermənistan-Azərbaycan, Dağlıq Qarabağ münaqişəsinə dair 822, 853, 874, 884 nömrəli qətnamələr qəbul edib. Hər bir qətnamə Azərbaycanın Dağlıq Qarabağ və ətraf rayonlarının işğalçı Ermənistan ordusunun silahlı qüvvələri tərəfindən işğalı nəticəsində qəbul olunub. Azərbaycanın ərazi toxunulmazlığını yenidən təsdiq edən bu dörd qətnamədə dərhal atəşkəsin elan olunması, hərbi əməliyyatlara son qoyulması və işğalçı qüvvələrin Azərbaycanın ərazisindən çıxarılması tələbləri irəli sürülsə də, qətnamələrin müddəaları təəssüf ki, indiyədək yerinə yetirilməyib.

Yuxarıda qeyd olunan qətnamələr qeyd-şərtsiz yerinə yetirilsin, ya da torpaqlarımız işğaldan azad olunaraq sərhədlərimiz bərpa olumayınca, əsir və girovlarımız qaytarılmayınca, məcburi köçkünlərimiz öz doğma yurd-yuvalarına qayıtmayınca hər hansı bir vasitə ilə erməni separatçı rejiminin qəddar nümayəndələrinin Bakıya gəlişi dayandırılsın və tezliklə müharibə başlansın!

Ya Qarabağ, ya ölüm!”скачать dle 10.5фильмы бесплатно




Bölməyə aid digər xəbərlər
Dünən, 13:17 Sabah yağış yağacaq

{sape_links}{sape_article}