Əli Məsimlinin seçki qərargahının növbəti iclası keçirildi
Tarix: 21-01-2020 19:01 | Bölmə: Xəbər lenti
Əli Məsimlinin seçki qərargahının növbəti iclası keçirildi

114 saylı Şəki kənd Birinci Seçki Dairəsindən deputatlığa namizəd Əli Məsimlinin seçki qərargahının növbəti ümumi yığıncağı keçirilib.

Reyting.az
xəbər verir ki, tədbirdə deputatlığa namizəd, onun qərargahının üzvləri ilə yanaşı ağsaqqallar, ziyalılar və könüllülər iştirak ediblər. Əsas müzakirə mövzusu seçki qərargahının bu günədək olan fəaliyyəti, həmin fəaliyyətdən əldə edilmiş nəticələr və gələcək perspektiv fəaliyyət istiqamətləri olub. Qeyd edilib ki, artıq təbliğat-təşviqat kampaniyasının əsas atribut və vasitələrindən olan deputatlığa namizədin platforması hazırlanaraq, nəfis şəkildə 5 min ədəd tirajla nəşr edilib. Eyni zamanda, deputatlığa namizədin şəkilləri çap edilərək müvafiq seçki lövhələrinə vurulub. Facebook sosial şəbəkəsində seçki qərargahının səhifəsi yaradılıb. Həmin səhifənin izləyicilərinin sayı saatbasaat artmaqdadır.

Əli Məsimlinin seçki qərargahının növbəti iclası keçirildi

Məlumatda qeyd edilir ki, təbliğat-təşviqat kampaniyasının başlanmasından keçən 4 gün ərzində həm seçki dairəsi, həm də rayonda yaşayan nüfuzlu ağsaqqal və ziyalılarla görüşlər təşkil edilib, onlarla həm seçki kampaniyasının gedişi, həm də ümumiyyətlə, rayonun sosial-iqtisadi problemləri və onların effektli həll mexanizmlərinin tapılması istiqamətində geniş səpkili mükalimələr aparılıb.

20 yanvar hadisələrinin 30-cu ildönümü və Ümumxalq Hüzn Günü ilə əlaqədar olaraq seçki qərargahı bu tarixdə təbliğat-təşviqat kampaniyasına fasilə verib. Deputatlığa namizəd Əli Məsimli 2020-ci il yanvarın 20-də Bakı şəhərində, yanvarın 21-də isə Şəki şəhərində yerləşən Şəhidlər xiyabanlarını ziyarət edərək ölkəmizin suverenliyi və ərazi bütövlüyü uğrunda canlarından keçmiş şəhidlərimizin xatirəsini yad edib.

Yanvarın 21-də seçki qərargahının ümumi yığıncağında müzakirə olunan əsas məsələlərdən biri deputatlığa namizədin seçki qərargahının Facebook sosial şəbəkəsindəki səhifəsinin zənginləşdirilməsi və operativliyinin artırılması olub.

Müzakirə olunan digər ən mühüm məsələ deputatlığa namizəd Məsimli Əli Əhməd oğlunun yanvar ayının 22-də saat 17:00-da Şəki rayonu, Oxud kəndində keçirəcəyi görüşün təşkilinə hazırlıqla bağlı olub. Görüşə hazırlıqla əlaqədar olaraq qərargah üzvlərinin hər birinin fəaliyyət istiqamətləri müəyyənləşdirilib.





Bölməyə aid digər xəbərlər
25-11-2020, 20:39 Maradona vəfat edib

bütün xəbərlər
bütün xəbərlər
{sape_links}{sape_article}