15:17 / 28-05-2024
KTN-də yeni təyinat olub
Putin: “Son 7 ayda 270 min insan könüllü olaraq orduya qoşulub”
Tarix: 12-09-2023 15:32 | Bölmə: Siyasət
Putin: “Son 7 ayda 270 min insan könüllü olaraq orduya qoşulub”

Şimali Koreya lideri Kim Çen In ilə tarixi görüşə hazırlaşan Rusiya prezidenti Vladimir Putin Vladivostokda keçirilən Dünya İqtisadi Forumunda çıxış edib.

Reyting.az
xəbər verir ki, Vladimir Putinin gündəmində ABŞ-ın keçmiş prezidenti Donald Trampa qarşı açılan məhkəmə prosesindən tutmuş Cənubi Asiyada hakimiyyət mübarizəsinə, enerji təhlükəsizliyindən Rusiya iqtisadiyyatına qədər bir çox mövzular yer alıb.

Rusiya liderinin xüsusilə Ukrayna ilə bağlı mesajları diqqət çəkib. Putin Rusiya ordusunun hazırda səfərbər olduğunu qeyd edib. Son 7 ayda 270 min insanın könüllü olaraq orduya qoşulduğunu bildirən Putin, Müdafiə Nazirliyi ilə hər gün 1500-2000 nəfərin müqavilə bağladığını bildirərək əlavə edib: “Onlar ön cəbhədə olacaqlarını bildikləri halda orduya könüllü gəlirlər və ölkələri üçün canlarını verəcəklərini bildikləri halda müqavilə imzalayırlar”.

ABŞ-ın keçmiş prezidenti D. Trampla bağlı məsələyə də toxunan Putin Trampın üzləşdiyi siyasi problemlərin təqib olduğunu düşünür və bununla ABŞ-ın daxili problemlərinin ortaya çıxdığını deyir.

İndiyədək müharibədə 71 min Ukrayna əsgərinin həyatını itirdiyini bildirən Putin, prezident Zelenskini danışıqlara çağırıb. Rusiya lideri, Ukraynanın bir müddətdir ABŞ-dan almağa çalışdığı, lakin pilotların təlim keçməsi səbəbindən təxirə salınan F-16 qırıcılarının təhvil verilməsinə də toxunub: “F-16-ları Ukraynaya təslim edəcəklər. Bu, nəyisə dəyişəcəkmi? Mən belə düşünmürəm. Bu, ancaq münaqişəni uzadacaq”.

Putin Rusiyanın Asiya-Sakit okean ölkələri ilə ticarət dövriyyəsinin ötən il 13,7 faiz, ilin birinci yarısında isə 18,3 faiz artdığını da bildirib. Uzaq Şərq ölkələri ilə mədənçilikdə irəliləyiş əldə edəcəklərini deyən Putin, 2030-cu ilə qədər maye qaz hasilatını üç dəfə artırmağı hədəflədiklərini xüsusilə qeyd edib.

Xatırladaq ki, mart ayında Beynəlxalq Cinayət Məhkəməsi (ICC) Rusiya prezidenti V. Putinin Ukraynada törədilmiş hərbi cinayətlərə görə məsuliyyət daşıdığını iddia edərək onun həbsinə order verib. Bu qərardan sonra Rusiyanı nadir hallarda tərk edən Putin kritik sammitlərdə iştirak edə bilməyib. Nəhayət, Rusiyanı təmsil etmək üçün xarici işlər naziri Sergey Lavrov G20 Sammitində iştirak edib.

E. KAMAL




Bölməyə aid digər xəbərlər
{sape_links}{sape_article}