17:58 / 22-05-2024
"Şamaxı" çempion olub
Natiq Cəfərli: "Rusiya aranı qatmasa bölgəmizə çoxdan sülh gələrdi"
Tarix: 13-09-2023 10:51 | Bölmə: Siyasət
Natiq Cəfərli: "Rusiya aranı qatmasa bölgəmizə çoxdan sülh gələrdi"

"Prezident Vladimir Putin bəyan etdi ki, biz (Rusiya) illərdir Laçın və Kəlbəcər də daxil olmaqla Dağlıq Qarabağı Ermənistan yurisdiksiyasında qalmaqla digər 5 rayonu Azərbaycana qaytarmağı təklif etmişdik, amma Ermənistan rəhbərliyi buna razı olmadı, indi də Ermənistan baş naziri Nikol Paşinyan Azərbaycanın ərazi bütövlüyünü tanıyıbsa, daha biz nə edə bilərik ki?!".

Rusiya liderinin bu bəyanatını Reyting.az-a şərh edən Real Partiyasının funksioneri Natiq Cəfərliyə görə, sanki rus lider atası Vladimirin torpaqlarının Ermənistana peşkəş edilməsindən danışır.

"Sanki Azərbaycan və ölkənin rəhbərliyi buna razı, hazır imiş - mən inanmıram ki, mərhum Heydər Əliyev, sonra da İlham Əliyev buna razılıq vermiş olsunlar. Bu, mümkün deyil", - deyən N. Cəfərli qeyd edib ki, ölkə torpaqlarından pay verən bir gün də hakimiyyətdə qala bilməzdi:

"Həm də hər iki Əliyev heç vaxt bu addımı atmazdılar, başqa sahələrdə, iqtisadi-sosial məsələlərdə çoxsaylı səhvlərinə rəğmən bu məsələdə güzəşt etməzdilər”.

N. Cəfərlinin fikrincə, Azərbaycan rəsmi şəkildə Putinə cavab verməlidir, həm də tək bu məsələyə görə yox:

“Putin çıxışında həm də "ümid edirəm ki, Qarabağda etnik təmizləmə olmayacaq", - ifadəsini işlətdi. Bu, tam bir provokasiyadır, sanki belə bir ehtimal var, mən əminəm ki, belə bir məsələ Azərbaycanın gündəliyində yoxdur, ola da bilməz”.

Partiya funksioneri sonda əlavə edib ki, Rusiya aranı qatmasa məsələlər həll olunar, bölgəmizə çoxdan sülh gələrdi.

ELÇİN




Bölməyə aid digər xəbərlər
{sape_links}{sape_article}