00:14 / 27-02-2024
Bu gün Su çərşənbəsidir
15:27 / 26-02-2024
SOCAR-da yeni təyinat olub 
Nüvə savaşı təhlükəsi: ABŞ-ın strateji qüvvələrinin üçdə ikisi Rusiya ilə döyüşə hazırdır
Tarix: 20-09-2023 16:08 | Bölmə: Siyasət
Nüvə savaşı təhlükəsi: ABŞ-ın strateji qüvvələrinin üçdə ikisi Rusiya ilə döyüşə hazırdır

Rusiyanın xüsusi hərbi əməliyyat zamanı nüvə silahından istifadə perspektivi Qərbdə narahatlıqları artırır.

Reyting.az
-ın məlumatına görə, xarici KİV bildirir ki, bu məsələ "Rusiya Federasiyasının Ukraynada taktiki nüvə silahının Avropada təhlükəsizlik üçün istifadəsinin nəticələri haqqında" başlıqlı sənəddə Lordlar Palatasının üzvlərindən birinin tələbi ilə Britaniya hökuməti tərəfindən nəzərdən keçirilib.

Bildirilir ki, bu günlərdə Finlandiya prezidenti Sauli Niinistö də nüvə təhlükəsi məsələsini gündəmə gətirərək, bu silahdan istifadənin "böyük riski”ndən söz açıb. O, "Hər an vəziyyət pisləşə, eskalasiyaya doğru dəyişə bilər", - deyib.

Ukraynadakı münaqişənin mümkün eskalasiyası barədə Ağ evin nümayəndəsi Con Kirbi də məlumat verib. O, oxşar ssenarini Kiyevə uzun mənzilli ATACMS raketlərinin mümkün tədarükü ilə əlaqələndirərək bunun ABŞ-ın milli təhlükəsizliyini təhdid edə biləcəyini söyləyib.

C. Kirbi ATACMS-ın Ukraynaya verilməsinin nüvə eskalasiyasına necə təsir göstərə biləcəyini şərh etməsə də, Rusiya mətbuatı yazır ki, Kremlin buna cavab hərəkətlərini nəzərdə tutması mümkündür.

Xatırladaq ki, Qərbdə bir çox siyasətçi, media və ekspert Moskvanın Qərbdən Kiyevə hərbi yardımın artdığını görərək döyüş gücünü artırmaq və problemlərini həll etmək üçün nüvə silahından istifadə edəcəyindən narahatlıqlarını bildirilər.

Bir il əvvəl, sentyabrın 21-də Rusiya prezidenti Vladimir Putin xalqa müraciətində Qərbə xəbərdarlıq etdi ki, "Vətənimizin ərazi bütövlüyü, müstəqilliyimiz və azadlığımız əlimizdə olan bütün vasitələrlə təmin ediləcəkdir”.

BMT-nin Tərksilah Komissiyasının keçmiş üzvü və BMT Baş katibinin keçmiş müşaviri İqor Nikulin deyib ki, Rusiyanın nüvə doktrinasına görə, Rusiyanın ərazi bütövlüyünə təhlükə yarandıqda, hər tərəfdən nüvə silahından istifadə etmək hüququ var.

“Nezavisimaya qazeta”nın yazdığına görə, İ. Nikulin qeyd edib ki, Nüvə silahının yayılmaması haqqında Müqavilə (NPT) pozulmur. NPT-də nüvə olmayan bir dövlətə nüvə hücumu zamanı BMT Təhlükəsizlik Şurasının atom silahı olan daimi üzvlərinin təcavüzü dəf etməli olduğunu müəyyən edən bir müddəa var. Nikulin hesab edir ki, bu müddəaya görə, Qərb, əlbəttə ki, nəzəri cəhətdən qisas ala bilər, amma praktikada bunun baş vermə ehtimalı azdır. "Aydın başa düşmək lazımdır ki, Qərbdə heç kim Rusiya ilə döyüşmək istəmir. Xüsusilə nüvə silahının istifadəsi ilə. Vaşinqton və Brüssel belə bir riskə getməyəcək. Ancaq Ukraynaya dəstək vəd edəcəklər",- deyib.

Öz növbəsində, hərbi ekspert, istefada olan general-leytenant Yuri Netkaçev vəziyyətin çox ciddi olduğuna inanır:

"Amerikalılar artıq Rusiyaya ABŞ-ın nüvə qüvvələrini hazır vəziyyətdə saxladığına dair göstərişlər göndərirlər. Amma bu o demək deyil ki, onlar Ukrayna uğrunda mübarizə aparacaqlar. Kirbinin Ukraynadakı qarşıdurmanın artması və bununla əlaqədar ABŞ üçün təhdidlərin olduğunu bildirməsi də əbəs yerə deyildi".

Ekspert ABŞ Hərbi Hava Qüvvələrinin strateji komandanlığının "ABŞ-ın qorunan, etibarlı, səmərəli və etibarlı nüvə üçlüyünün üçdə ikisi həmişə münaqişədə qalib gəlməyə hazırdır",- mesajına da diqqət çəkib. "Ancaq nüvə qüvvələrinin istifadəyə hazır olması və gözlənilən qələbə barədə danışmaq bir şeydir və onları tətbiq etmək qərarına gəlmək başqa bir şeydir",- deyə Netkaçev əlavə edib.

O əmindir ki, Rusiyanın adi silahlardan istifadə çərçivəsində öz problemlərini həll etmək üçün daha böyük ehtiyatları və resursları var. "Kiyevi mümkün qədər tez hərbi əməliyyatları dayandırmağa məcbur etmək üçün Rusiya taktiki nüvə silahından da istifadə edə bilər. Bu, mənim fikrimcə, Ukrayna Silahlı Qüvvələrinin mühüm idarəetmə məntəqələrinin, strateji körpülərin, Logistika bazalarının, hərbi-sənaye obyektlərinin və s. zəmanətli məhvi üçün bir anda ediləcək", - ekspert bildirib.

Nikulin kimi, Netkaşçev də əmindir ki, ABŞ və NATO-nun cavab nüvə zərbəsi təşkil etməsi ehtimalı azdır, çünki bu, yeni dünya müharibəsinin başlaması demək olacaq və heç kim belə bir nəticə istəmir.

Y. QACAR




Bölməyə aid digər xəbərlər
{sape_links}{sape_article}