Əli Həsənov doğum gününü qeyd edir
Tarix: 10-03-2019 10:24 | Bölmə: Siyasət
Əli Həsənov doğum gününü qeyd edir

Azərbaycan Prezidentinin ictimai-siyasi məsələlər üzrə köməkçisi, Prezident Administrasiyası İctimai-siyasi məsələlər şöbəsinin müdiri Əli Həsənov doğum gününü qeyd edir. Martın 10-da onun 59 yaşı tamam olur.

Əli Məhəmmədəli oğlu Həsənov 1960-cı ilin martın 10-da Naxçıvan Muxtar Respublikasının Şərur rayonunda anadan olub. Əli Həsənov Azərbaycanın eks-prezidenti, mərhum Heydər Əliyevin SSRİ dönəmində respublikaya rəhbərliyi zamanı Moskvaya ali təhsil almağa göndərdiyi əlaçı tələbə kontingentinin tərkibində olub. Dostlarının xatırlamasına görə, Bakı Dövlət Unversitetində əlaçı tələbə olan Ə. Həsənov ictimai fəallığı ilə də seçilib. İkinci kursda oxuyarkən tələbə olmasına baxmayaraq, öz təşəbbüsü ilə arxeoloji ekspedisiya təşkil edərək, ona rəhbərlik edib. Naxçıvanın ərazisində yerləşən Qazma mağarasının abidələrinin aşkarlanması və öyrənilməsi onun adı ilə bağlıdır.

SSRİ-nin nüfuzlu ali məktəbini - Moskva Dövlət Unversitetinin Tarix fakültəsini bitirən Ə. Həsənov tarix elmləri doktorudur. Moskvada dissertasiya işini vaxtından xeyli əvvəl başa vuran cənab Həsənov elmi iş müdafiə edərək, tarix elmləri namizədi alimlik dərəcəsi alıb. Onun SSRİ-də milli məsələnin tədqiqinə həsr olunmuş dissertasiya işi Sovet dövlətinin yeritdiyi milli siyasətin əsl mahiyyətinin ortalığa qoyulduğu ilk tədqiqat işlərindən biri olub.

1990-cı ilin qanlı yanvar hadisələri və ondan sonrakı informasiya blokadası dövründə Moskvada geniş fəaliyyət göstərən azərbaycanlı ziyalıların ən fəal nümayəndələrindən biri olan Əli Həsənov Bakıda törədilmiş qanlı cinayətə qarşı 1990-cı il yanvarın 21-22-də vüsət alan Ümummoskva hərəkatının ön sıralarında olub.

Azərbaycanda onun əmək fəaliyyəti 1992-ci ildə Naxçıvan Dövlət Universitetindən başlanıb. Həmin il ali məktəbin tədris şöbəsinə inspektor təyin olunan Ə. Həsənov 1993-cü ilə qədər burada çalışıb. Daha sonra siyasi proseslərə qatılan Ə. Həsənov Heydər Əliyevin rəhbərliyi ilə yaradılan Yeni Azərbaycan Partiyasının fəal təşkilatçılarından olub. Partiya işindəki fəal iştirakı onu diqqətdən kənarda qoymur. 1993-cü ildə mərhum Heydər Əliyev hakimiyyətə gəldikdən sonra Ə. Həsənov partiya strukturlarında işləməyə çağrılır. O, 1994-95-ci illərdə Yeni Azərbaycan Partiyasının İdeologiya şöbəsinin müdiri təyin edilir. Bir il bu vəzifədə çalışdıqdan sonra dövlət idarəçiliynə cəlb olunur. 1995-ci ilin sentyabrında hakim partiyada ideoloji işə cavabdeh olan Ə. Həsənov Prezidentin İcra Aparatının İctimai-siyasi şöbəsinə müdir müavini təyin olunur. O, 1996-cı ildən bu şöbəyə rəhbərlik edir.

2005-ci ildən şöbə Azərbaycan Respublikası Prezidentinin Administrasiyasının İctimai-siyasi məsələlər şöbəsi adlanır.

Azərbaycan Prezidenti İlham Əliyevin 23 fevral 2015-ci il tarixli sərəncamı ilə Əli Həsənov Azərbaycan Respublikası Prezidentinin ictimai-siyasi məsələlər üzrə köməkçisi təyin edilib.

Əli Həsənov 1-ci dərəcəli dövlət müşaviridir. Azərbaycan Respublikası Prezidentinin 9 mart 2010-cu il tarixli sərəncamı ilə 1-ci dərəcəli "Vətənə xidmətə görə" ordeni ilə təltif olunub.

Əli Həsənovu doğum günü münasibəti ilə təbrik edir, ona möhkəm cansağlığı, işlərində uğurlar arzulayırıq.

Reyting.azскачать dle 10.5фильмы бесплатно




Bölməyə aid digər xəbərlər
20-05-2019, 11:36 Zelenski and içdi

{sape_links}{sape_article}