Sərhədçilərimiz helikopterlə Keşikçidağa endilər–Keşişlər ərazidən uzaqlaşdırıldı - Fotolar
Tarix: 24-07-2019 14:11 | Bölmə: Siyasət
Sərhədçilərimiz helikopterlə Keşikçidağa endilər–Keşişlər ərazidən uzaqlaşdırıldı

Bir qrup Gürcüstan vətəndaşı tərəfindən iyul ayının 14-də Keşikçidağda Azərbaycan sərhədçilərinə qarşı törədilmiş insidentdən sonra Dövlət Sərhəd Xidməti ərazidə ciddi təhlükəsizlik tədbirləri həyata keçirməyə başlayıb.

Reyting.az
“AzeriDefence”yə istinadla xəbər verir ki, Gürcüstan mediası bununla bağlı bəzi görüntülər paylaşıb.

Gürcüstanın “Rustavi 2” telekanalının hazırladığı reportajda bildirilir ki, ərazidə önləm alan Azərbaycan sərhədçiləri Gürcüstan tərəfindən monastr kompleksinə gələn keşişləri və ziyarətçiləri əraziyə buraxmayıblar. Ərazidə patrul xidməti həyata keçirən Azərbaycan Sərhəd Qoşunlarının əsgərləri çəkiliş qrupu ilə gələn keşişlərin monastra qalxmasına icazə verməyib. Bu zaman əraziyə gələnləri bəlli bir yerədək Gürcüstan Sərhəd Polisinin əməkdaşları müşaiyət ediblər.

Bu zaman ərazidə silahlı halda DSX-nin “Mi-17” helikopteri aşağı hündürlükdə uçuşlar həyata keçirib. Helikopterlə gələn hərbçilər monastra getmək istəyən gürcülərə oradan uzaqlaşmalarını əmr ediblər.

Təxribatçı kütləni idarə edənlərdən biri, ictimai fəal David Katsarava isə ötən gün özünün facebook səhifəsində insidentdən sonra Azərbaycan Sərhəd Qoşunlarının monastrın yaxınlığında səyyar baza yaratdığını, əraziyə çox sayda canlı qüvvə və texnika cəlb etdiyini yazıb: “Silsilə Azərbaycan sərhədçiləri ilə gücləndirilib. Bizim sərhədçilərimiz onlardan 10 qat azdır… Azərbaycan tərəfində Qareci dağının (oxu: Keşikçi dağı-red) ətəyində tikilmiş hərbi baza gördük”.

Katsarava ərazidən dron vasitəsi ilə çəkilmiş fotoları da paylaşıb.

Sərhədçilərimiz helikopterlə Keşikçidağa endilər–Keşişlər ərazidən uzaqlaşdırıldıSərhədçilərimiz helikopterlə Keşikçidağa endilər–Keşişlər ərazidən uzaqlaşdırıldı
Sərhədçilərimiz helikopterlə Keşikçidağa endilər–Keşişlər ərazidən uzaqlaşdırıldı
Sərhədçilərimiz helikopterlə Keşikçidağa endilər–Keşişlər ərazidən uzaqlaşdırıldı
Sərhədçilərimiz helikopterlə Keşikçidağa endilər–Keşişlər ərazidən uzaqlaşdırıldı
Sərhədçilərimiz helikopterlə Keşikçidağa endilər–Keşişlər ərazidən uzaqlaşdırıldı
Sərhədçilərimiz helikopterlə Keşikçidağa endilər–Keşişlər ərazidən uzaqlaşdırıldı




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}