Polkovnik: “Təyyarə qəzası ilə bağlı səhlənkarlıq və təxribat məsələləri də araşdırılmalıdır”
Tarix: 25-07-2019 16:01 | Bölmə: Siyasət
Polkovnik: “Təyyarə qəzası ilə bağlı səhlənkarlıq və təxribat məsələləri də araşdırılmalıdır”

İyulun 24-də saat 22.00 radələrində plana uyğun olaraq gecə vaxtı təlim-məşq uçuşları keçirən Hərbi Hava Qüvvələrinin “MiQ-29” təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib. Hadisədən dərhal sonra Azərbaycan Hərbi Hava Qüvvələrinin “MiQ-29” təyyarəsinin qəzaya uğraması ilə bağlı cinayət işi başlanılıb.

Görəsən, Azərbaycanın “MİQ-29” təyyarəsinin qəzaya uğraması təxribat ola bilərmi?

Reyting.az-ın xəbərinə görə, bizimyol.info saytının bununla bağlı sualını cavablandıran təhlükəsizlik məsələləri üzrə tanınmış ekspert, keçmiş DTX zabiti, ehtiyatda olan polkovnik İlham İsmayıl deyib ki, ordunun arsenalında olan silahların köhnəlməsi bu kimi qəzaların riskini artırır. Onun sözlərinə görə, bu məsələlər də ciddi araşdırılmalıdır:

“MİQ-29” tipli qırıcı təyyarələrin istehsalına 1980-ci ildən başlanılıb. Keçmişin modifikasiyasıdır. Ordumuzun arsenalında köhnə modifikasiyalar var. Azərbaycan ordusunun arsenalına da 90-cı illərin əvvəllərindən daxil olub. Burada təxribatdan daha çox texnikanın köhnəliyi məsələsi əsas faktordur. Dünyanın hər yerində pilotlar qəzaya uğraya bilir. Bunun səbəbləri, eyni zamanda bugünə qədər baş verən bütün hadisələr ciddi araşdırılmalıdır. Partlayış olmuş silah anbarı, silahların köhnəliyi, zirehli tankların köhnə olması, istehsalının köhnə olması, Rusiyadan və Ukraynadan alınmış, sıradan çıxmış, yenidən işlənmiş texnikaların arsenalımızda olması, hətta korrupsiya halları və digər bu tipli hadisələr araşdırılmalıdır. Bunların nəticəsidir ki, belə qəzalar baş verir.

Bu qırıcı təyyarənin qiyməti 22 milyon dollardır. Bu məsələlərə çox ciddi yanaşılmalı, səhlənkarlıq və təxribat məsələləri araşdırılmalıdır. Təxribat məsələsi inandırıcı görsənmir, daha çox texnikanın köhnəliyi səbəb ola bilər qəzaya. Çox təəssüf ki, nəinki təyyarələr, başqa texnikalar da köhnədir. Sadəcə, təyyarə bu silahların ən bahalısıdır. Pilot həlak olubsa, çox pis, pilotun canı texnikadan daha qiymətlidir bizim üçün, yox, əgər sağdırsa, bu o deməkdir ki, dövlətimizin milyonları batdı. Bizim milyonlarımız yoxdur ki, qırıcılar alaq, vəziyyət gərgindir. Bu ciddi nəzarətdə olmalıdır. Təəssüflər olsun ki, orduda bu cür səhlənkarlıqlar baş alıb gedir. Heç kim bilmədi ki, Giləzi boyda silah anbarı niyə partladı, dağıldı. Dövlət onu bərpa etmək üçün nə qədər vəsait xərclədi və s. Ordu bilməlidir ki, onun itirdiyi hər bir manat bu xalqın cibindən, belindən, zəhmətindən, iqtisadiyyatından çıxır”.скачать dle 10.5фильмы бесплатно




Bölməyə aid digər xəbərlər
{sape_links}{sape_article}