Daha iki ölkə fövqəladə vəziyyət rejiminə keçir
Tarix: 14-03-2020 10:20 | Bölmə: Siyasət
Daha iki ölkə fövqəladə vəziyyət rejiminə keçir

ABŞ-la yanaşı daha iki ölkə - Venesuela və Yaponiya koronavirus səbəbindən fövqəladə vəziyyət rejiminə keçir.

Artıq Venesuelada fövqəladə vəziyyət tətbiq edilib.

Ölkənin paytaxtı Karakasda çıxışı zamanı prezident Nikolas Maduro deyib ki, millətə təhlükə yaradan hallarda fövqəladə vəziyyət tətbiq etməyə imkan verən 338-ci maddəyə uyğun davranacaq.

Dövlət başçısı həmçinin bütün vəzifəli şəxsləri "maksimal intizama" çağırıb.

Yaponiyada da yeni koronavirus təhlükəsi ilə əlaqədar Baş Nazirə fövqəladə vəziyyət elan etmək hüququ verən qanun martın 14-də qüvvəyə minib.

Həmin qanun bir gün əvvəl parlamentin yuxarı palatası tərəfindən hakim koalisiyanın və bəzi müxalifət partiyalarının dəstəyi ilə qəbul edilib.

Yaponiyada fövqəladə vəziyyətin elan edilməsi prefektura qubernatorlarına müxtəlif göstərişlər və sərəncamlar qəbul etmək səlahiyyəti verəcək. Həmin siyahıya sakinlərdən evlərini tərk etməmək, həmçinin məktəblərin bağlanması kimi göstərişlər də daxildir.

Reyting.az




Bölməyə aid digər xəbərlər
{sape_links}{sape_article}