10:24 / 06-04-2020
Keçmiş deputat vəfat edib
Leyla Abdullayeva: “Xaricdəki diplomatlarımız geri qayıtmayıb”
Tarix: 20-03-2020 13:29 | Bölmə: Siyasət
Leyla Abdullayeva: “Xaricdəki diplomatlarımız geri qayıtmayıb”

Koronavirusun yayıldığı xarici ölkələrdə vətəndaşlarımız təxliyyə və digər məsələlərlə bağlı diplomatik nümayəndəliklərimizə müraciət edir, onlardan lazımi köməkliyi alırlar.

Maraqlıdır, xarici ölkələrdəki diplomatik nümayəndəliklərimiz necə fəaliyyət göstərir? Diplomatlardan Azərbaycana qayıdanı varmı?

Reyting.az-ın məlumatına görə, Azərbaycan Xarici İşlər Nazirliyinin mətbuat xidmətinin rəhbəri Leyla Abdullayeva məsələ ilə bağlı Modern.az-a deyib ki, hələlik heç bir ölkədən diplomatik nümayəndəmiz geri qayıtmayıb:

“Bu gün qlobal müstəvidə koronavirus pandemiyası ilə əlaqədar Azərbaycanın həm Xarici İşlər Nazirliyi, həm də Azərbaycan hökuməti tərəfindən çox ciddi təxirəsalınmaz tədbirlər həyata keçirilir. Bu müstəvidə xarici ölkələrdəki diplomatik nümayəndəliklərimiz xüsusi gücləndirilmiş rejimdə fəaliyyət göstərir”.

L. Abdullayeva qeyd edib ki, hansı ölkədə fəaliyyət göstərməsindən asılı olmayaraq koronavirusun geniş yayıldığı ölkələrdə, hazırda vəziyyətin kritik olduğu ərazilərdə belə səfirlərimiz də daxil olmaqla, diplomatik heyət öz ailə üzvləri ilə birgə orda fəaliyyətini davam etdirir: “Yəni heç bir diplomatımız Azərbaycana qayıtmayıb. Onlar işlədikləri ölkələrin müəyyən etdiyi karantin rejiminə, qaydalara əməl edərək fəaliyyət göstərirlər. Həmin ölkələrin müəyyən etdikləri qaydalar əsasında, əgər beynəlaxlq təşkilatlar fəaliyyətini dayandırıbsa, diplomatlarımız işlərini ev şəraitində həyata keçirirlər”.

L. Abdullayeva digər ölkələrdə fəaliyyət göstərən konsulluqlarda xüsusi rejimin tətbiq edildiyini qeyd edib:

“Konsulluq qəbulu ilə bağlı da xüsusi rejim tətbiq olunub. İnsanların təbii olaraq kütləvi şəkildə qəbul olunmasına məhdudiyyətlər qoyulur. Bütün bu məsələrlə bağlı bütün məlumatlar mütəmadi olaraq diplomatik nümayəndəliklərimiz tərəfindən yayılır. Bu, həm onların internet səhifələrində, həm də sosial media hesablarından paylaşılır. Biz də öz vətəndaşlarımıza tövsiyə edirik ki, olduqları ölkədə Azərbaycan səfirliyinin və baş konsulluğun məlumatlarını izləsinlər.

Bu gün vətəndaşlarımız pandemiya problemi və digər məsələrlə bağlı ilk olaraq Azərbaycanın diplomatik nümayəndəliyinə üz tutmalıdır. Belə məsələlərlə əlaqəli olaraq diplomatik nümayəndəliklərimizin fasiləsiz “Qaynar xətt” telefon əlaqəsi fəaliyyət göstərir.

Başlıca tövsiyəmiz isə harda olmalarında aslı olmayaraq vətəndaşlarımızın Ümumdünya Səhiyyət Təşkilatının və yaşadıqları ölkənin tətbiq etdiyi karantin qaydalarına əməl etməsidir”.
скачать dle 10.5фильмы бесплатно




Bölməyə aid digər xəbərlər
{sape_links}{sape_article}