09:43 / 03-04-2025
Amerikada Trampa inam azalır
Zülfüqarov: Ermənistanla bağlı bəzi stereotiplərimiz dəyişməlidir
Tarix: 02-04-2025 16:02 | Bölmə: Slayd
Zülfüqarov: Ermənistanla bağlı bəzi stereotiplərimiz dəyişməlidir

“Bizdə belə bir təəssürat var ki, Ermənistanın Azərbaycanla sülhə gəlməsi üçün yeganə insan Nikol Paşinyandır, digər erməni siyasətçilər bunu etməyəcək və s. Mən hesab edirəm ki, bu, tamamilə yanlış təəssüratdır. Necə ki Azərbaycana sülh lazımdır, eləcə də Ermənistana sülh və əmin-amanlıq lazım və vacibdir”.

Bunu “Reytinq” qəzetinə açıqlamasında Azərbaycanın sabiq xarici işlər naziri Tofiq Zülfüqarov deyib.

Onun sözlərinə görə, Azərbaycanın öz təhlükəsizliyini təmin etməsi, sərhədlərini qorumsı üçün kifayət qədər potensialı və resursu var. Ermənistan üçün də sülh vacibdir ki, inkişaf edə bilsin.

T. Zülfüqarov qeyd edib ki, Ermənistan sülhə gəlməlidir: “Bunu indiki baş nazir Nikol Paşinyan həyata keçirəcək və ya ayrı bir erməni siyasətçi... Bizim üçün bunun fərqi yoxdur. Bu məsələ ermənilərin öz işidir”.

Müsahibimizin fikrincə, Azərbaycanla sülh sazişinin əldə edilməsi məsələsində Ermənistanda kimin hakimiyyətdə olmasının prinsipial fərqi yoxdur: “Nəzərə almaq lazımdır ki, istər Paşinyan, istərsə də başqası olsun, onlar Ermənistanın maraqları çərçivəsində addım atırlar. Əgər Ermənistana sülh lazım olsa, onlar buna gedəcəklər. Yox, əgər düşünsələr və qərar qəbul etsələr ki, sülh lazım deyil, başqa addım atacaqlar. Bu baxımdan mən hesab edirəm ki, bizdə Ermənistanla bağlı mövcud olan bəzi stereotiplər dəyişməlidir”.

Y. QACAR
Reyting.az




Bölməyə aid digər xəbərlər