Prokurorluq millət vəkilinin evindəki ölüm hadisəsini ört-basdır etmək istəyir
Tarix: 05-10-2019 10:14 | Bölmə: Slayd
Prokurorluq millət vəkilinin evindəki ölüm hadisəsini ört-basdır etmək istəyir

Türkiyədə AKP-li millət vəkili Şirin Ünalın evində intihar etdiyi bildirilən Nadirə Kadirovanın ölümü ilə bağlı şübhələr artır. Özbəkistanda cənazəni yuyanlar Kadirovanın bədənində iki güllə çuxuru və qançırlar olduğunu iddia ediblər.

“DW” xəbər verir ki, 23 yaşlı Nadirə Kadirova Ünalın xəstə arvadının baxıcısı olub. Qardaşı Məhəmməd Əlinin sözlərinə görə, bacısı Şirin Ünalın evində qanuni iş icazəsi olmadan çalışıb.

Bu arada, mətbuata və sosial mediaya sızan yeni məlumatlar böyük təpki doğurub. Hadisənin intihar olmadığı iddiası güclənir.

Nadirə Kadırovanın zorlandığını iddia edən rəfiqəsi Leyla Niyazova ifadə vermək üçün prokurorluğa çağırılıb. Prokurorluqda Leyla Niyazova fahişəlik etməkdə suçlanıb. Nadirənin rəfiqəsi fahişəlik ittihamının qəsdən edildiyini və bunun hadisənin ört-basdır edilmə cəhdi olduğunu bildirib.

Qeyd edək ki, Leyla Niyazova Özbəkistan vətəndaşı olan Nadirə Kadirovanın hadisədən qısa müddət əvvəl, gecə saatlarında ona zəng vurduğunu bildirib:

“İki saat danışdıq. Ağlayırdı. Nə baş verdiyini soruşdum. “Deyə bilmərəm” söyləyib ağladı. Özünü öldürəcəyini söylədi. Dedi: "Arzularım alt-üst oldu, indi qardaşımın üzünə necə baxacağam?!"

Onu da qeyd edək ki, N. Kadirova sentyabrın 26-da Özbəkistanda dəfn edilib.

Reyting.az
скачать dle 10.5фильмы бесплатно




Bölməyə aid digər xəbərlər
{sape_links}{sape_article}