23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Beynəlxalq Məhkəmə dəhşətli cinayəti araşdırmağa başladı - Fotolar
Tarix: 12-12-2019 12:33 | Bölmə: Slayd
Beynəlxalq Məhkəmə dəhşətli cinayəti araşdırmağa başladı

Beynəlxalq Cinayət Məhkəməsində (BCM) araqanlı müsəlmanların Myanma ordusu tərəfindən qətliam edilməsinə dair proses başlayıb.

Reyting.az
xəbər verir ki, məhkəmə qarşısında iddia qaldıran tərəf Qambiyadır.

Hazırda Hollandiyanın Lahey şəhərində məhkəmə dinləmələri keçirilir. Bu gün isə suallara cavab veriləcək və faktlar araşdırılacaq.

Beynəlxalq Məhkəmə dəhşətli cinayəti araşdırmağa başladı
Suu Çii

Prosesə qatılan Myanma Xarici işlər naziri və dövlət rəhbəri, Nobel sülh mükafatçısı Aunq San Suu Çii Qambiyanın iddiasına etiraz edib.

Suu Çii Myanma ordusunun müsəlmanlara qarşı hərəkətə keçməsini Araqandakı sərhəd zastavalarına 2017-ci ilin 25 avqustunda edilən hücumlarla əlaqələndirib. Əlavə edib ki, əgər bu prosesdə hərbi cinayətlər olubsa, bunu edən şəxslər haqqında Myanma məhkəməsində araşdırma başlanmalıdır:

“Myanma ordusu ona tapşırılan işlərin sərhəddini bir qədər aşa bilər, fəqət, bu beynəlxalq hüquq məsələsi deyil, daxili hüquqda Myanma məhkəməsində müzakirə olunacaq haldır. Çünki burada br dövlətin daxilində ordu ilə üsyançılar arasındakı qarşıdurmadan bəhs edirik”.

Beynəlxalq Məhkəmə dəhşətli cinayəti araşdırmağa başladı

Myanmada hərbçilərin məhkəmə qarşısına çıxarılaraq ittiham olunması mövzusunda danışmaq istəmədiyini bildirən Suu Çii ordu mənsublarının etdiyi cinayətlərə görə, məhkəmə qarşısına çıxarılmasının ən güclü ölkələrdə belə asan olmadığını qeyd edib.

Dövlət başçısı Myanmaya qarşı BCM-də açılan məhkəmə davasının yarımçıq və natamam olduğunu iddia edərək soyqırım hüququnu deyil, silahlı qarşıdurmalar və ya insah hüququndan danışılmasının lazım olduğunu deyib.

Beynəlxalq Məhkəmə dəhşətli cinayəti araşdırmağa başladı

Xatırladaq ki, Qambiya İslam Əməkdaşlıq Təşkilatı araqanlı müsəlmanlara qarşı soyqırımının araşdırılması ilə bağlı noyabrın 11-də BCM-də iddia qaldırıb. Dünən keçirilən ilkin məhkəmə prosesində Qambiya tərəfi iddiasından geri çəkilmədiyini elan edib.

Məlumat üçün bildirək ki, 2012-ci ildə Araqanda buddistlərlə müsəlmanlar arasında qarşıdurma yaranıb. Hadisə zamanı çoxu müsəlmanlar olmaqla minlərlə insan öldürülüb, yüzlərlə ev və iş yerləri dağıdılıb.

2017-ci ilin 25 avqustunda isə Araqanda zastavalara qarşı həyata keçirilən hücumları əsas kimi göstərən Myanma ordusu və buddist millətçilərlər müsəlmanlara qarşı kütləvi zorakılıq aktlarına başlayıblar.

BMT-nin hesabatlarına görə, 2017-ci ildə Araqanda basqı, zorakılıq və zülmdəm qaçıb Banqladeşə pənah gətirən müsəlmanların sayı 900 min nəfər olub. Beynəlxalq insan haqları təşkilatları yüzlərlə kəndin dağıdıldığını, sakinlərinin isə öldürüldüyünü bildiriblər. Soyqırımı aktı kosmosdan çəkilən fotolardan da aydın görünür.

BMT və beynəlxalq insan haqları təşkilatları araqanlı müsəlmanlara qarşı edilən aktları etnik təmizləmə və soyqırım adlandırır.

Beynəlxalq Məhkəmə dəhşətli cinayəti araşdırmağa başladı

Sadəcə, Myanmaya qarşı sərt sanksiyaların tətbiq edilməsinə isə formal olaraq bu ölkənin başçısı hesab olunan Aunq San Suu Çii maneə olur. Bu xanım uzun illər ölkəsində insan haqlarını müdafiə edib, siyasi mübarizə aparıb və uzun illər həbsdə yatıb. Bu səbəbdən də ona Nobel Sülh mükafatı verilib və dünyada insan haqlarının müdafiəçisi kimi xüsusi nüfuza malikdir. Ölkədəki hərbi xunta isə iqtidarını davam etdirmək məqsədilə Aunq San Suu Çiinin formal dövlət başçısı olmasına “yaşıl işıq” yandırsa da, hazırda qəddarlıqlarını davam etdirirlər. Qeyri-rəsmi məlumatlara görə, 2017-ci ildə minlərlə müsəlman məhz müsəlman olması səbəbindən bu ölkədə qətlə yetirilib.

Reyting.az




Bölməyə aid digər xəbərlər
{sape_links}{sape_article}