01:33 / 25-02-2020
Əmək prosesi haqqında
Müxalifət liderinin Türkiyədən qovulmasının sirri açılıb – Məxfi məktubda nələr yazılıb? - Fotolar
Tarix: 25-01-2020 16:53 | Bölmə: Slayd
Müxalifət liderinin Türkiyədən qovulmasının sirri açılıb – Məxfi məktubda nələr yazılıb?

Özbəkistan müxalifətinin lideri, İstanbulda siyasi mühacir həyatı yaşamağa məcbur olan Məhəmməd Salehin hansı səbəblərdən Türkiyədən deportasiya edildiyi bəlli olub.

Reyting.az
xəbər verir ki, ortaya çıxan yeni faktlara görə, FETÖ lideri Fətullah Gülənin o dövrün Türkiyə prezidenti Abdulla Gülə yazdığı məktubdan sonra özbək müxalifət lideri Türkiyədən deportasiya edilib.

Bu fakta Türkiyə Milli İstihbarat Təşkilatının (MİT) keçmiş yüksək çinli nümayəndəsi Ənvər Altaylı ilə bağlı hazırlanan iddianamədə rast gəlinib.

Müxalifət liderinin Türkiyədən qovulmasının sirri açılıb – Məxfi məktubda nələr yazılıb?

Altaylının kompüterində Özbəkistanla bağlı məktub ələ keçiib. Məktubdan bəlli olur ki, Özbəkistan müxalifətinin lideri Məhəmməd Saleh Fətullah Gülənin istəyi ilə prezident Gül tərəfindən ölkədən çıxarılıb.

Altaylı bildirib ki, Salehin deportasiya edilməsində Gülənin Abdulla Gülə yazdığı məktub təsirli olub: “Məktubu oxudum. Yazılırdı ki, ekstremist dini axınlara bağlı olan Saleh və ona bənzər insanın verdikləri və verəcəkləri zərərə diqqət çəkərək bunlara mane olmaq dini və İslami baxımdan vacibdir”.

Altaylının evindən çıxan materiallardan bəlli olur ki, sözügedən məktub dövrünün Özbəkistan diktatoru İslam Kərimova da göndərilibmiş.

Müxalifət liderinin Türkiyədən qovulmasının sirri açılıb – Məxfi məktubda nələr yazılıb?

Altaylı Gülənə yazdığı məktubunda isə bildirib ki, o dövrün Türkiyə parlamentinin sədri Köksal Toptanla da görüşüb: “Köksal Toptan Ərdoğan və Dəmirəl hökumətində nazir vəzifəsində olub. Görüş zamanı mənə dedi ki, Türkiyə bundan sonra heç bir beynəlxalq toplantı və səsvermələrdə Özbəkistan əleyhinə mövqe tutmayacaq. Biz Türkiyədə Özbəkistana qarşı fəaliyyət göstərən Salehin əsl simasını anlayırıq. Türkiyə xaricinə çıxarılıb. Salehin deportasiya edilməsində Fətullah Gülən əfəndinin Abdulla Gülə yazdığı məktubun əhəmiyyətli olduğunu bilirəm. Bir müddət əvvəl prezident Gül Orxan Qavunçunu dəvət edərək ona da eyni sözləri deyib. Gülün Orxana söylədiklərinin tərəfimizdən sizə çatacağını bilir”.

Beləliklə, məktubda açıq görünür ki, Özbəkistan müxalifətinin lideri, yazar Məhəmməd Salehin Türkiyədən qovulması təsadüfən baş verməyib.

Müxalifət liderinin Türkiyədən qovulmasının sirri açılıb – Məxfi məktubda nələr yazılıb?

Qeyd edək ki, Salehin Türkiyədən qovulması o dövrdə türkdilli ölkələrdə Türkiyəyə inam məsələsinə ciddi zərbə sayılırdı.

Onu da qeyd edək ki, Məhəməd Saleh təkcə Özbəkistanda deyil, Orta Asiyada ciddi nüfuz sahibi olan siyasətçi yazardır. Türkiyədən deportasiya edildikdən sonra Norveçə sığınmalı olmuşdu.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}