Rusiya devrilmiş prezidentin oğlunu hakimiyyətə gətirmək istəyir - Məxfi planın icraçıları saxlanılıb
Tarix: 22-03-2020 11:29 | Bölmə: Slayd
Rusiya devrilmiş prezidentin oğlunu hakimiyyətə gətirmək istəyir - Məxfi planın icraçıları saxlanılıb

Rusiya Liviyanın devrilmiş diktatoru Müəmmər Qəddafinin oğlu Seyfülislam Qəddafini bu ölkənin başına gətirərək Qəddafi rejimini bərpa etmək planı üzərində işləyir.

Reyting.az
xəbər verir ki, bu barədə populyar “Blomberg” saytı məlumat yayıb.

Məlumata görə, Rusiyanın iki agenti bu məqsədlə Qəddafinin oğlu ilə görüşüb.

Bildirilir ki, Rusiyanın məxfi planını icra edən iki rus casusu paytaxt Tripolidə saxlanılıb. Onların həbsindən sonra ələ keçirilən qeydlərdən bəlli olub ki, Rusiya Qəddafinin oğlu üzərindən Şimali Afrikada ən çox neft ehtiyatları olan Liviyada nüfuzunu artırmağa çalışır.

Rusiya devrilmiş prezidentin oğlunu hakimiyyətə gətirmək istəyir - Məxfi planın icraçıları saxlanılıb

Rusiya agentlərinin “seçki mütəxəssisləri” adı ilə Liviyada Qəddafi rejimini bərpa etmək planı üzərində çalışdıqlarına şübhə edilmir.

Qeyd olunur ki, Rusiyanın Liviyada keçirdiyi sorğuda “İllərdir davam edən vətəndaş müharibəsindən sonra keçmiş rejim üçün güclü bir nostalji yaranıb və Seyfülislam ən populyar siyasətçilərdən birinə çevrilib”,- ifadəsinin yer alması da məlum planın tərkib hissəsidir.

Əlavə edilir ki, Seyfülislam Qəddafiyə investisiya yatırılması təklifi Putinin yaxını kimi təqdim olunan Vaqner özəl təhlükəsizlik şirkətinin rəhbəri Yevgeni Proqojin tərəfindən verilib.

Seyfülislamın Rusiyanın dəstəyini gözlədiyi bildirilir.

Rusiya devrilmiş prezidentin oğlunu hakimiyyətə gətirmək istəyir - Məxfi planın icraçıları saxlanılıb

Hətta iki tərəf arasında keçirilən toplantıların birində Tunisdə uyğun mütəxəssislərin hazırlanması üçün kursun təşkili və sosial şəbəkələrdə Seyfülislamın xeyrinə pozitiv mesajlar yayacaq “mütəxəssis qrupun” müəyyən edilməsi kimi məsələlər də müzakirə olunub.

Belə toplantılardan birində ruslar tərəfindən Seyfülislama “Liviyanın Yenidən Canlanması Strategiyası” başlıqlı slayd nümayiş etdirilib.

Seyfülislama yeni hökumətdə yer alması üçün namizəd olması və ya ortada olan liderlərdən birinə dəstək verməsinin vacibliyi bildirilib.

Həmçinin Seyfülislamın köməkçilərindən biri rus sözçü ilə görüşüb.

Onu da qeyd edək ki, Rusiyanın məxfi planında iştirak etmiş iki rus casusu “Liviyadakı seçkilərə müdaxilə” ittihamı ilə Tripoli hava limanı yaxınlığındakı həbsxanada saxlanılır.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}