17:38 / 28-03-2024
Əməkdar artist vəfat edib
Türkiyə Cənubi Qafqaza hərbi müdaxilə edə bilər - Foto
Tarix: 20-07-2020 17:10 | Bölmə: Slayd
Türkiyə Cənubi Qafqaza hərbi müdaxilə edə bilər

Cənubi Qafqazda münaqişənin davam etməsi dünya enerji bazarlarını təhdid edir.

Reyting.az
“ISNA”-ya istinadla xəbər verir ki, bu, İranın sözügedən informasiya agentliyinin dərc etdiyi məqalədə iddia olunur.

Məqalədə qeyd olunur ki, ötən həftə Azərbaycan Respublikası ilə Ermənistanın hərbi qüvvələri arasında qarşıdurma baş verib. Dağlıq Qarabağ bölgəsi münaqişənin əsas amilinə çevrilsə də, bu dəfə hərbi toqquşma zamanı Rusiya ilə Türkiyə arasında artan rəqabət diqqətdən yayınmayıb.

Münaqişənin yeni mərhələsində 16-dan çox əsgər həlak olub, hər iki tərəf hücumda bir-birini günahlandırıb. Son toqquşmalar 2016-cı ilin aprel müharibəsindən bəri ən ölümcülü olub. Tərəflər arasında münaqişə Dağlıq Qarabağ bölgəsi ilə bağlı olsa da, son toqquşmalar Ermənistan-Azərbaycan sərhədinə baş verib.

Beynəlxalq ictimaiyyət hər iki tərəfi münaqişəni dayandırmağa çağırıb və ABŞ, Avropa İttifaqı və Minsk Qrupu vəziyyəti sabitləşdirməyə çalışıb.

Gərginliyin artmasında Ermənistanın böyük rol oynadığı görünür.

Azərbaycan Türkiyənin güclü hərbi dəstəyinə malikdir və Rusiyanın Ermənistana dəstəyini sınamaq istəyə bilər. Xüsusilə, Ermənistan üzvü olduğu KTMT-nin müdaxilə etməsini istəyib. Ancaq təşkilat heç bir reaksiya vermədi və sərhədlərdəki vəziyyəti normallaşdırmağa çağırıb. Rusiyanın Ermənistana şifahi dəstək verməməsi Azərbaycanın münaqişədəki mövqeyini gücləndirib. Ancaq Türkiyə və Rusiyanın bu qarşıdurmaya qapı açmaq riski var.

Bu hərbi münaqişə bir çox medianın diqqətini çəksə də, onun enerji bazarlarına təsir edən başqa bir cəhəti də var.

Məqalədə deyilir: “Bu münaqişə enerji bazarları üçün böyük təhlükədir. Enerji bazarı müşahidəçiləri hərbi münaqişə bölgəsinin neft və qaz boru kəməri sisteminə yaxınlığından narahatdır.
İyulun 14-də Rusiya nəhəngi "Qazprom"un törəmə şirkəti olan "Qazprom Ermənistan" öz boru kəmərlərinin Azərbaycan sərhədi yaxınlığında yerləşdiyini açıqlayıb.

Hər iki tərəfin hərbi əməliyyatları artırması bölgənin neft və qaz infrastrukturu üçün riskləri artırır. Münaqişə böyüyərsə, bölgənin neft və qazına güvənən Türkiyə ciddi şəkildə zərər görəcəkdir.

Türkiyə Cənubi Qafqaza hərbi müdaxilə edə bilər

Son toqquşmaların məkanı Azərbaycanda Cənubi Qafqaz Boru Kəmərinə (CQBK) yaxındır. Boru kəməri təbii qazı Türkiyənin TANAP boru kəmərinə yönəldir və Ankaranın Rusiya enerjisindən asılılığını azaltmaq səylərinin vacib hissəsidir. Türkiyə illərdir ki, enerji idxalını şaxələndirməyə çalışır, amma Ankara Moskvadan çox asılı vəziyyətdə qalır. Rusiya qazı Türkiyə üçün Avropa müştərilərindən iki qat baha başa gəlir. Buna görə də, Ankara Rusiyadan idxalı azaltmaq üçün çox çalışır. TANAP boru kəməri ilə Azərbaycan qazını almaqla, Türkiyə öz xərclərini əhəmiyyətli dərəcədə azaltmağa müvəffəq olub. Türkiyə ilə Rusiya arasındakı vacib qaz sazişinin yenilənmə vaxtı olan 2021-ci ildə Azərbaycanla Türkiyə arasındakı əməkdaşlıq yarana biləcək yeni imkanlarla daha da dərinləşə bilər. Danışıqlar aprel ayında iki ölkənin razılığa gələ bilməməsi ilə dayandırılıb. Bütün bunlar Rusiyanın çox vacib bir böyümə bazarında payını itirmək barədə düşündüyünü göstərir”.

“ISNA”nın məqaləsində daha sonra bildirilir:

“Azərbaycandan Türkiyəyə qaz tədarük edən Bakı-Tbilisi-Ərzurum boru kəməri Azərbaycanın Tovuz bölgəsindən keçir. Bu bölgə toqquşmaların baş verdiyi Ermənistanın Tavuş şəhərinə bitişikdir. Onun strateji əhəmiyyətinə görə Türkiyənin, xüsusən Rusiyanın Liviyadakı fəaliyyətləri nəzərə alınaraq, mümkün hərbi müdaxiləsi ağılabatandır. Azərbaycandakı mövcud infrastruktur məhv olarsa, bu, Türkiyənin müdaxiləsini təsdiqləyəcək. Türkiyə Prezidenti Rəcəb Tayyib Ərdoğan keçən həftə Türkiyənin Azərbaycan hüquqlarına və ərazisinə edilən hər hansı bir hücuma qarşı durmaqdan heç vaxt çəkinməyəcəyini söyləyib. O, son hərbi qarşıdurmanın arxasında kənar “barmaq”dan söz açıb və KİV-lər dərhal Rusiyanı Ermənistanı işğala təşviqdə ittiham edib”.

Sonda qeyd olunur ki, bu cür hadisələrin nəticələri nəinki Avropa bazarlarında, həm də dünya miqyasında öz əksini tapacaq.

Reyting.az




Bölməyə aid digər xəbərlər
{sape_links}{sape_article}