17:38 / 28-03-2024
Əməkdar artist vəfat edib
Professor: “ABŞ Konqresinin işğaldakı ərazilərlə bağlı qərarı Azərbaycanın xeyrinədir”
Tarix: 22-07-2020 17:49 | Bölmə: Slayd
Professor: “ABŞ Konqresinin işğaldakı ərazilərlə bağlı qərarı Azərbaycanın xeyrinədir”

“ABŞ Konqresinin Qaydalar Komitəsində Ermənistanın Azərbaycan ərazilərinin işğal faktını tanıyan 269 saylı düzəlişi bizim xeyrimizədir. Unutmayaq ki, əvəllər belə qərarlar və sənədlər əsasən Gürcüstanla Moldova haqqında qəbul edilir, Azərbaycan bir kənara qoyulurdu. İndi isə 269 saylı düzəlişdə Ukrayna, Gürcüstan, Moldova ilə yanaşı Azərbaycanın da adı qeyd edilib. Bu müsbət hadisədir”.

Bu fikirləri Reyting.az-a açıqlamasında professor Əli Abbasov deyib.

Onun sözlərinə görə, Konqres ABŞ-ın Müdafiə naziri və Dövlət katibi qarşısında öhdəlik qoyub ki, 1991-ci ildən bu yana yuxarıda adı çəkilən ölkələrin qeyri-qanuni işğal edilən ərazilərində öldrülən və məcburi köçkün düşmüş insanların sayı barədə Konqresin müvafiq komitəsinə hesabat təqdim etsin.

Professor: “ABŞ Konqresinin işğaldakı ərazilərlə bağlı qərarı Azərbaycanın xeyrinədir”
Ə. Abbasov

Siyasi analitik hesab edir ki, Konqresin Qaydalar Komitəsinin məlum qərarı Rusiyaya qarşı addımdır: “Onlar bilirlər ki, bütün bu oyunların arxasında ruslar durur. Demək olar ki, Rusiyaya qarşı sonuncu zərbə vurulur. Baxın, Rusiyaya qarşı - “Şimal Axını” qaz kəmərinə sanksiya tətbiq edilib. Özü də, bu sanksiya kəmər faktiki çəkilib başa çatdıqdan sonra elan olunub. Yəqin ki, “Türk Axını”na qarşı da sanksiyalar olacaq. Yəni bu addımlar Rusiyaya qarşıdır. Bizim maraqlarımız baxımından müsbət addımdır”.

Ə. Abbasov qeyd edib ki, belə qərarın verilməsinə Tovuz hadisələrinin də müəyyən təsiri olub: “Yəni Tovuzda hadisələr baş verdikdən sonra ABŞ-da bir daha gördülər ki, bu məsələlər, təcavüz bitən deyil. ABŞ-da hətta bizim zabitlərin vurulmasında da rus silahlarından istifadə edildiyini bilirlər. Çünki erməni ordusunda belə silahlar yoxdur. Anlayırlar ki, baş verənlərin arxasında ruslar dayanır. Sözsüz ki, bu prosesdə həm də Türkiyə amili var. Türkiyə son dövrlər Rusiya ilə yaxın əlaqələr qurmuşdu. İndi Liviya məsələsində Vaşinqtonla Ankara arasında yaxınlaşma var. Yəni ABŞ hər bir tərəfdə Rusiyanın qarşısını almağı planlaşdırır”.

Reyting.az




Bölməyə aid digər xəbərlər
{sape_links}{sape_article}