20:39 / 25-11-2020
Maradona vəfat edib
Ermənistan muzdlu döyüşçülərlə bağlı saxta videolar yayır
Tarix: 31-10-2020 11:21 | Bölmə: Slayd
Ermənistan muzdlu döyüşçülərlə bağlı saxta videolar yayır

Dünən bir sıra erməni informasiya resursları guya Azərbaycan Ordusunun sıralarında hərbi əməliyyatlara cəlb edilmiş, amma Ermənistan hərbçiləri tərəfindən saxlanılmış suriyalı “döyüşçü”nün ifadə verməsinə dair video-kadr yayıblar.

Reyting.az
-ın məlumatına görə, Azərbaycan prezidentinin köməkçisi Hikmət Hacıyev düşmənin növbəti yalanına cavab verərkən bildirib ki, Ermənistan tərəfi rəsmi qurumlarına istinadla bir ay müddətində bu cür ucuz və qeyri-peşəkar formada hazırlanan səhnələşdirilmiş saxta videolar yayır: “Belə yalanlarla guya Azərbaycan tərəfdə muzdluların döyüşdüyünü isbat etməyə çalışırlar”.

Hikmət Hacıyev əlavə edib ki, Azərbaycan prezidenti İlham Əliyevin müxtəlif xarici KİV-lərə açıqlamalarında dəfələrlə qeyd etdiyi kimi, ölkəmizin ərazilərini uzun illər ərzində işğalda saxlamağa çalışan Ermənistanın bu iddialarının məqsədi Azərbaycan Silahlı Qüvvələrinin vətən torpaqlarını azad etmək istiqamətində uğurlu hərbi əməliyyatlarına kölgə salmaq, beynəlxalq terrorçuluğa qarşı mübarizənin ön cəbhəsində duran ölkəmizin beynəlxalq nüfuzuna zərbə vurmağa yönəlib.


H. Hacıyev

Prezidentin köməkçisi daha sonra əlavə edib: “Təqdim olunan 1 dəqiqəlik videoda bir çox kadrlar dəfələrlə çəkilib, sonradan montaj edilib. Dindirilən şəxsin səsinin linqvistik ekspertizası nəticəsində müəyyən edilib ki, o, Suriyada yaşayan kürdlərdəndir. Bu şəxs videonun 47-ci saniyəsində kürd dilində astaca söz deyir, sonra isə ərəb dilinə keçir. Bu fakt həmin şəxsin PKK üzvü ola biləcəyi ehtimalını deməyə əsas verir. Ermənistan silahlı qüvvələrinin tərkibində Suriya və İraqdan gətirilmiş PKK-çıların olması faktdır. Bu şəxs əvvəlcədən əzbərlədiyi və ya suflyor vasitəsilə təqdim olunan mətni oxumaqda çətinlik çəkir. Sorğuda iştirak edən və ərəbcə danışan ikinci şəxsin isə ərəb olmadığı, Suriya ermənisi olduğu güman edilir”.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}