17:38 / 28-03-2024
Əməkdar artist vəfat edib
Pandemiya səbəbindən 21 500-dən çox tələbənin təhsil haqqı dövlət hesabına ödənir - Foto
Tarix: 05-05-2021 13:15 | Bölmə: Slayd
Pandemiya səbəbindən 21 500-dən çox tələbənin təhsil haqqı dövlət hesabına ödənir

“2020-ci ilin aprel ayında Azərbaycan Respublikasının Prezidenti İlham Əliyev pandemiyadan zərər çəkmiş ailələrin ali təhsil, orta ixtisas təhsili müəssisələrində təhsil alan övladlarının təhsil haqqının ödənilməsinə güzəşt edilməsi barədə qərar imzaladı”.

Bunu Reyting.az-a təhsil üzrə ekspert Kamran Əsədov deyib.

K. Əsədov bildirib ki, 2020-ci ilin martından etibarən ölkədə pandemiya səbəbindən insanlar iş yerlərini itiriblər və onların ödəmə qabiliyyəti aşağı düşüb: “İnsanların ödəmə qabiliyyətinin aşağı düşməsi onların ali təhsil müəssisələrinə təhsil haqqını ödəməsinə də ciddi təsir göstərirdi. Prezident bunu insanların təhsil hüququnun təmin edilməsi istiqamətində humanist addımla tənzimlədi. Sərəncama əsasən, dövlət büdcəsindən pandemiyadan zərərçəkmiş ailələrdə olan tələbələrin təhsil haqlarının idarə olunması ilə bağlı 40 milyon manat vəsait ayrıldı. 2020-ci ildə 1-ci semestr, eyni zamanda həmin ilin sentyabrında başlayacaq sosial cəhətdən həssas qruplardan olan tələbələrin də təhsil haqları dövlət büdcəsi vəsaiti hesabına ödəndi. Bu, təhsilin əhatə dairəsinin genişləndirilməsi, əlçatanlığın təmin olunması üçün olduqca müsbət qərar idi.


K. Əsədov

Qeyd edim ki, həmin vəsaitdən yararlanmaqdan ötrü tələbələr müvafiq sayt vasitəsilə qeydiyyatdan keçməli idilər. Qeydiyyat zamanı ən vacib olan tələbənin şəxsiyyət vəsiqəsi, tələbə bileti və valideynlərin vəsiqəsidir. Portaldan qeydiyyatdan keçdikdən sonra yalnız əyani, istər bakalavr, istərsə də magistratura təhsili alan tələbələrin yarımil üzrə bütün təhsil haqları dövlət büdcəsi hesabına ödənilir”.

Ekspert vurğulayıb ki, əgər tələbələr tədris ilinin əvvəlində təhsil haqqını ödəyibsə, onların ödədikləri haqlar ya geri qaytarılır, ya da növbəti semestr üçün hesablanır:

“İndiyədək 21 500 tələbə dövlətin ayırdığı vəsaitlə təhsil haqlarının ödənməsi imkanından yararlanıb. Artıq 3 semestrdir ki, Azərbaycanda 21 500-dən çox ödənişli əsaslarla təhsil alan tələbələrin təhsil haqqını dövlət ödəyir”.

Qeyd edək ki, Nazirlər Kabinetinin “Sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin ödənilməsi barədə” qərara etdiyi dəyişikliyə əsasən, həmin qrupdan olan tələbələrin təhsil haqları 2020/2021-ci tədris ilinin yaz semestri (yarımili) üzrə də ödəniləcək.

Reyting.az




Bölməyə aid digər xəbərlər
{sape_links}{sape_article}