“Azərbaycan Ermənistana qarşı adekvat addımlar atacaq” - Siyasi şərhçi
Tarix: 16-07-2021 14:59 | Bölmə: Slayd
“Azərbaycan Ermənistana qarşı adekvat addımlar atacaq”

“Ermənistan Azərbaycanın ərazi bütövlüyünə hörmət etməyəcəksə, beynəlxalq hüququ heçə sayacaqsa, bizimlə sülh şəraitində yaşamaq istəməyəcəksə, Azərbaycanın da münasibəti adekvat olacaq. Ermənistan dövləti Azərbaycanın tarixi torpaqlarında yaradılıb. Bu məsələyə prezident Əliyev də çıxışında toxunub. Yəni Azərbaycanın mövqeyi bu məsələdə açıqdır”.

Bu sözləri Reyting.az-a sabiq prezident Əbülfəz Elçibəyin köməkçisi işləmiş siyasi şərhçi Oqtay Qasımov Azərbaycan prezidenti İlham Əliyevin Ermənistan haqqında son fikirlərini şərh edərkən deyib.

O. Qasımov əlavə edib ki, əgər Ermənistan məsələni daha çox beynəlxalq aləmə çıxarmaq və prosesə Fransa, ABŞ kimi ölkələri də qataraq daha çox dvident əldə etmək istəyirsə, öz işidir: “Burada vacibi bizim möveyimizdir. Biz mövqeyimizdə bərk dayanmalıyıq. Minsk qrupu ilə bağlı mövqeyimiz də konkret olmalıdır. Əslində Minsk qrupu Qarabağ problemini yaradan dövlətlərdən təşkil edilib”.


O. Qasımov

Siyasi şərhçinin sözlərinə görə, əgər Ermənistan Azərbaycanla sülh müqaviləsi imzalamayacaqsa, Azərbaycanın ərazi bütövlüyünü və sərhədlərini tanımayacaqsa, bu, Azərbaycana imkan verəcək ki, tarixi torpaqları məsələsini qaldırsın: “Buna Azərbaycanın hüquqi, tarixi və siyasi haqqı çatır.

Aydındır ki, Ermənistan dövlət kimi Rusiya və Antantanın köməyi ilə 1918-ci ildə yaradılıb. Onun ərazisi cəmi 9 min kvadratkilometr olub. SSRİ-nin tərkibinə daxil olandan sonra Ermənistanın ərazisi Azərbaycanın hesabına 29 min kilometrə qədər artıb. İrəvan başqa mövzudur. Söhbət 20 min kv.metr ərazidən gedir. Bura Göyçə, Zəngəzur, Dərələyəz, Qazaxla sərhəd əraziləri daxildir. Əgər, bu gün Ermənistan Azərbaycanla sülh müqaviləsi imzalamasa, ərazi bütövlüyümüzü tanımasa, bu bizə imkan verəcək ki, həmin ərazilərimizin məsələsini qaldıraq. Bu qədim tarix də deyil, təxminən 100 il əvvəl baş verən hadisələrdir”.

O. Qasımov xatırladıb ki, 1920-ci ilin yanvarında Paris sülh konfransında Azərbaycan müstəqil dövlət kimi tanınıb: “O zaman Azərbaycan əraziləri 114 min kv.metr idi. Bu baxımdan Ermənistan bizi tanımırsa, heç tanımasın. Bu bizə hüquqi, siyasi və tarixi baxımdan əsaslar verir ki, bu məsələləri gündəmə gətirərək iddialarımızı irəli sürək.

Ermənistan bir dövlət kimi saxta yaradılıb. Biz də bu məsələləri düşünərək mövqelərimizi müəyyən etməliyik”.

Siyasi şərhçi deyib ki, əgər Ermənistan 10 noyabr və 11 yanvar razılaşmalarına əməl etməyəcəksə, kommunikasiyaların açılmasına razılıq verməyəcəksə və Azərbaycanla sülh şəraitində yaşamağa hazır olmayacaqsa, Azərbaycan tərəfi konkret addımlar atmalı olacaq.

Reyting.az




Bölməyə aid digər xəbərlər
{sape_links}{sape_article}